NTR – Balakrishna : నందమూరి బాలకృష్ణ మరియు ఎన్టీఆర్ లను ఒకే స్టేజ్ పై చూసి అభిమానులు చాలా సంవత్సరాలు అయ్యింది. వారిద్దరిని కలిపి మళ్లీ చూడాలని అభిమానులు కోరుకుంటున్నారు. నందమూరి తారాక రామారావు యొక్క వందవ జయంతి వేడుకలు వైభవంగా సాగుతున్నాయి.
సంవత్సర కాలంగా సాగుతున్న జయంతి వేడుకల ఉత్సవాల యొక్క ముగింపు వేడుకలను హైదరాబాద్‌ లో భారీ ఎత్తున నిర్వహించబోతున్నారు. ఈ కార్యక్రమానికి బాలకృష్ణ తో పాటు ప్రభాస్.. వెంకటేష్ లతో పాటు ఎన్టీఆర్ ని కూడా ఆహ్వానించినట్లుగా వార్తలు వస్తున్నాయి. అందుకు సంబంధించిన పోస్టర్ లు హైదరాబాద్‌ లో సందడి చేస్తున్నాయి.
ఎన్టీఆర్ గత కొంత కాలంగా కొరటాల శివ దర్శకత్వంలో సినిమా షూటింగ్ తో బిజీగా ఉన్నాడు. ఆ సినిమా షూటింగ్ బిజీతో జయంతి ఉత్సవాలకు హాజరు అయ్యి.. బాబాయి బాలయ్య తో స్టేజ్ షేర్‌ చేసుకుంటాడా అనేది చూడాలి. చాలా సంవత్సరాల తర్వాత ఇద్దరు కలిసి కనిపించబోతున్న నేపథ్యంలో అభిమానులు ఆనందంగా ఉన్నారు. ఈ కార్యక్రమానికి మరిన్ని విషయాలు త్వరలో తెలిసే అవకాశాలు ఉన్నాయి.