ఓటర్ల చెవిలో బీజేపీ, వైఎస్సార్‌సీపీ పువ్వులెట్టాయి. బీజేపీ, వైసీపీ దోస్తీ బయటపడిపోయింది. కేంద్రంలో బీజేపీ సొంతంగా అధికారంలోకి రాలేదని, వైఎస్సార్‌సీపీ ఓ నిర్ణయానికి వచ్చేసింది. అది ఆ పార్టీకి చెందిన పత్రిక రాతలతోనే అర్ధమయ్యిందనుకుంటే పొరపాటే. అసలు కథ ఎప్పుడో మొదలైంది. 2014 ఎన్నికల తర్వాత నుంచే బీజేపీ, వైసీపీ మధ్య చాలా చిన్నగా మొదలైంది స్నేహబంధం. ఆ స్నేహ బంధమే బీజేపీ, టీడీపీ మధ్య చిచ్చు రేపింది. బీజేపీకి, టీడీపీ దూరమైంది. అప్పట్లో టీడీపీ ఎంత మొత్తుకున్నా, ఈ బీజేపీ, వైసీపీ బంధం గురించి చాలా మంది లైట్‌ తీసుకున్నారు. వైసీపీ ఎంపీల రాజీనామాల ఆమోదం చుట్టూ పెద్ద డ్రామా నడిచిందే, అదే అసలు ట్విస్ట్‌.
ఒంటరిగా ఏపీలో ఎదుగుతామంటూ, ప్రగల్భాలు పలికిన బీజేపీ ఏ పార్టీతోనూ పొత్తు ప్రశక్తే లేదని కథలు చెప్పిన వైసీపీ, లోపాయకారి ఒప్పందాలతోనే మొన్నటి ఎన్నికల్లో అభ్యర్ధుల్ని నిలబెట్టాయి. విశాఖలో పురంధేశ్వరికి మేలు చేయడం కోసం వైసీపీ బలహీనమైన అభ్యర్థిని నిలబెట్టింది. చాలా చోట్ల వైసీపీని గెలిపించేందుకు బీజేపీ కార్యకర్తలు ప్రయత్నించారనే ఆరోపణలున్నాయి. ఎన్నికల ప్రచారం సందర్భంగా నరేంద్రమోడీ సభలకు జనాన్ని సమకూర్చింది వైసీపీనే. ఆ విషయం అందరికీ తెలుసు. కానీ మాకేం సంబంధం లేదనీ వైసీపీ బుకాయించింది.
తాజా ఊహాగానాల సారాంశం ఏంటంటే, బీజేపీ మళ్లీ ఏర్పాటు చేయబోయే ప్రభుత్వంలో వైఎస్సార్‌ కాంగ్రెస్‌ పార్టీకి మంచి అవకాశాలుంటాయట. ఇద్దరికీ కేంద్రమంత్రులుగా అవకాశమిస్తామంటూ, బీజేపీ ఢిల్లీ పెద్దలు వైసీపీ అధినేత జగన్‌తో సంప్రదింపులు జరుపుతున్నారనీ, ఈ లెక్కలు దాదాపుగా కొలిక్కి వచ్చాయనీ తెలుస్తోంది. వైసీపీకి ఇప్పటికే స్నేహ హస్తం అందించిన టీఆర్‌ఎస్‌ కూడా చివరికి బీజేపీతోనే చేతులు కలపబోతోందని సమాచారమ్‌. టీఆర్‌ఎస్‌కి ఓ కేంద్రమంత్రి పదవి దక్కుతుందని, అది కూడా కేసీఆర్‌ కుమార్తై కవిత కావచ్చనీ అనుకుంటున్నారు.
రాజకీయాల్లో శాశ్వత శత్రువులు కానీ, శాశ్వత మిత్రులు కానీ ఉండరనీ, ఉండలేరనీ అంటుంటారు. అది నిజమే. 2014లో నరేంద్రమోడీ వైఎస్ జగన్‌ని అవినీతిపరుడు అన్నారు. తెలంగాణాలో వైఎస్ జగన్ పర్యటిస్తే, రాళ్లతో కొట్టించింది గులాబీ పార్టీ. ఇప్పుడు ఆ రెండు పార్టీలూ జగన్‌తో స్నేహమంటున్నాయి. రాజకీయమంటేనే ఇంత. బీజేపీ, టీఆర్‌ఎస్‌, వైఎస్సార్‌సీపీ కలవడమే నిజమైతే ఆంధ్రప్రదేశ్‌ ప్రజల చెవిలో, అలాగే తెలంగాణా ప్రజల చెవిలో అందరూ గులాబీ రంగు క్యాబేజీ పువ్వు ఒకటి గట్టిగా పెట్టినట్లే అవుతుంది.
244870 564361You could definitely see your skills in the paintings you write. 583857
875515 917887The next time I learn a weblog, I hope that it doesnt disappoint me as significantly as this 1. I mean, I do know it was my choice to read, however I actually thought youd have something attention-grabbing to say. All I hear is actually a bunch of whining about something that you could fix for those who werent too busy in search of attention. 747044
597570 619119I got what you intend, saved to fav, quite good website . 228436