Youtuber: సెప్టెంబర్ 17న చెన్నై (Chennai) -వేలూరు హైవేపై బైక్ స్టంట్స్ చేసి ప్రమాదానికి గురై అరెస్టయిన యూట్యూబర్ (Youtuber) పై మద్రాస్ హైకోర్టు (Madras High court) తీవ్ర ఆగ్రహం వ్యక్తం చేసింది. అతడి బెయిల్ పిటీషన్ కొట్టేసింది. వివరాల్లోకి వెళ్తే.. తమిళనాడుకు చెందిన యూట్యూబర్.. 45లక్షల ఫాలోవర్లు ఉన్న టీటీఎఫ్ వాసన్ ప్రమాదకర బైక్ విన్యాసాలు చేస్తూ అదుపుతప్పి పడిపోయాడు. సీసీ కెమెరాల్లో ప్రమాద దృశ్యాలు ఒళ్లు గగుర్పొడిచేలా ఉన్నాయి.
కేసు నమోదు చేసిన పోలీసులు అతడిని అరెస్టు చేసి కాంచీపురం సెషన్స్ కోర్టులో హాజరుపరిచారు. కోర్టు బెయిల్ తిరస్కరించడంతో మద్రాస్ హైకోర్టును ఆశ్రయించాడు. విచారణ జరిపిన న్యాయస్థానం.. ‘20లక్షల ఖరీదైన బైక్, 3లక్షల రేస్ సూట్ ధరించి ప్రమాదకర స్టంట్స్ చేస్తూ యువతను ప్రోత్సహిస్తున్నాడు ఇది ప్రమాదకర’మని పబ్లిక్ ప్రాసిక్యూటర్ వాదనలతో ఏకీభవించింది.
‘యువతను రెచ్చగొడుతున్న యూట్యూబర్ బెయిల్ పిటిషన్ కొట్టేస్తున్నాం. అతడికి ఇదొక గుణపాఠం కావాలి. తక్షణమే తన యూట్యూబ్ చానెల్ మూసేయాలి. తర్వాతే కోర్టును ఆశ్రయించాల’ని ఆదేశించింది. అతడికి అవసరమైన చికిత్స అందించాలని జైలు అధికారులను ఆదేశించింది.
Popular Biker/YouTuber #TTFVasan got into an accident while trying a dangerous Stunt in the Chennai – Bengaluru highway yesterday..
Wishing him a speedy recovery
Don’t try this.. You are endangering your life as well as the lives of fellow road users pic.twitter.com/hE2YRQCeOX
— Ramesh Bala (@rameshlaus) September 18, 2023