Harshavardhan: ‘అమ్మా..నాన్న నేను కొద్ది రోజుల్లో చనిపోతున్నా.. మీరు ధైర్యంగా ఉండండి’ అని చెప్పి తన మృతదేహం విదేశాల నుంచి సొంతూరుకు రావడానికి అన్ని ఏర్పాట్లు చేసుకున్నాడో వైద్యుడు. వినడానికి ఆశ్చర్యంగా ఉన్నా.. కన్నీళ్లు తప్పించే ఈ ఘటన ఖమ్మం జిల్లాలో చోటు చేసుకుంది. వివరాల్లోకెళితే..
ఖమ్మం టౌన్ లోని శ్రీనివాస్ నగర్ కు చెందిన ఏపూరి రామారావు, ప్రమీల దంపతులకు ఇద్దరు కుమారులు. రామారావు రియల్ ఎస్టేట్ వ్యాపారం చేస్తుండగా. ప్రమీల ఓ ప్రభుత్వ పాఠశాలలో ప్రధానోపాధ్యాయినిగా పనిచేసి రిటైర్డ్అయ్యారు. వీరి పెద్ద కుమారుడు హర్షవర్ధన్ ఆస్ట్రేలియాలో ఎంఎస్ పూర్తి చేసి అక్కడే వైద్యుడిగా పనిచేస్తున్నారు. స్వతహాగా ఫిట్నెస్ కి ప్రాధాన్యమిచ్చే హర్షవర్ధన్ 2020 అక్టోబర్ 20న జిమ్ చేస్తుండగా దగ్గు, ఆయాసంతో ఇబ్బంది పడ్డారు. వెంటనే డాక్టర్ దగ్గరికి వెళ్ళగా ఆయనకు ప్రాణాంతక ఊపిరితిత్తుల క్యాన్సర్ సోకినట్లు వైద్యులు నిర్ధారించారు. ఈ విషయం తల్లిదండ్రులకు చెప్పగా.. ఇండియాకు వచ్చేయమని సూచించారు. అయితే ఆస్ట్రేలియాలోని మంచి వైద్యం దొరుకుతుందని హర్షవర్ధన్ అక్కడే ఉండిపోయారు. గతేడాది అక్టోబర్ లో ఇండియాకు తిరిగి వచ్చిన హర్షవర్ధన్ ఓ 15 రోజులు అక్కడే ఉండి తిరిగి ఆస్ట్రేలియా కి వెళ్లారు. మళ్లీ వ్యాధి తిరగబెట్టగా ఈసారి నయమయ్యే పరిస్థితి లేదు.. చావు తప్పదని తెలుసుకున్న ఆ యువకుడు తన మృతదేహం ఇండియాకు పంపించడానికి తగిన ఏర్పాట్లు అన్ని ముందుగానే చేసేశారు. అక్కడి నిబంధనల ప్రకారం ఒక లాయర్ ని కూడా నియమించుకున్నారు.
భార్యకు విడాకులు ఇచ్చి…
హర్షవర్ధన్ కు 2020 ఫిబ్రవరిలో సమీప బంధువైన సింధుతో వివాహం జరిగింది. కొద్ది రోజులకే లాక్ డౌన్ విధించడంతో సింధు ఆస్ట్రేలియాకు వెళ్లలేకపోయింది. వీసా వచ్చాక తీసుకెళ్తానని చెప్పి ఆమెని ఇండియాలోనే వదిలిపెట్టి హర్షవర్ధన్ ఆస్ట్రేలియా వెళ్లారు. పెళ్లయిన ఏడు నెలలకే తనకు క్యాన్సర్ నిర్ధారణ అయింది. మరణం తప్పదని భావించిన హర్ష..ఇరు కుటుంబాలను ఒప్పించి తన భార్యకు విడాకులు ఇచ్చారు. భార్య భవిష్యత్తు కోసం అన్ని ఏర్పాట్లు పూర్తి చేశారు. మూడేళ్లపాటు క్యాన్సర్ తో పోరాడిన హర్ష మార్చి 24న కన్నుమూశారు. తన మృతదేహాన్ని ఉంచేందుకు శవ పేటిక కూడా ముందుగానే కొనుగోలు చేయడం గమనార్హం. హర్ష మరణ వార్తతో ఇరు కుటుంబాల్లో విషాదం చోటు చేసుకుంది. బుధవారం ఆయన మృతదేహం స్వస్థలానికి చేరుకుంది.
89036 708711Our own chaga mushroom comes with a schokohutige, consistent, charcoal-like arrival, a whole lot of dissimilar to the style of the regular mushroom. Chaga Tincture 784998
518186 152629I truly enjoyed reading this website, this is fantastic weblog. 20979