లోక్ సభ ఎన్నికల్లో ఓటమి పాలైన నిజామాబాద్ మాజీ ఎంపీ కల్వకుంట్ల కవిత రాజకీయ భవితవ్యంపై ఆమె తండ్రి, సీఎం కేసీఆర్ కీలక నిర్ణయం తీసుకున్నారనే ప్రచారం జరుగుతోంది. అసెంబ్లీ ఎన్నికల్లో తిరుగులేని మెజార్టీతో రెండోసారి అధికారంలోకి వచ్చిన కేసీఆర్.. లోక్ సభ ఎన్నికల్లో కాస్త వెనకబడి తొమ్మిది సీట్లు గెలుచుకోగలిగారు. అయితే, నిజామాబాద్ స్థానం నుంచి పోటీచేసిన సిట్టింగ్ ఎంపీ కవిత ఓటమి చెందడం కేసీఆర్ కు ఇబ్బందిగా పరిణమించింది. అక్కడ నుంచి బీజేపీ అభ్యర్థిగా బరిలోకి దిగిన ధర్మపురి అరవింద్ విజయం సాధించారు.
ఆ ఓటమి అనంతరం కవిత రాజకీయాలకు దూరంగా ఉంటున్నారు. లోక్ సభ ఎన్నికల పలితాలు వచ్చి మూడు నెలలు పూర్తికాగా, ఆమె పెద్దగా ఎక్కడా కనిపించలేదు. అటు నియోజకవర్గానికి గానీ, ఇటు తెలంగాణ భవన్ లో గానీ కనిపించడంలేదు. పూర్తిగా హైదరాబాద్ లోని ఇంటికే పరిమితమయ్యారు. ఈ నేపథ్యంలో తన కుమార్తెను రాజ్యసభకు పంపించాలని కేసీఆర్ నిర్ణయం తీసుకున్నట్టుగా ప్రచారం జరిగింది. ఇటీవల టీడీపీ నుంచి బీజేపీలో చేరిన రాజ్యసభ సభ్యుడు గరికపాటి రామ్మోహన్ రావు పదవీకాలం వచ్చే ఏడాది మేతో ముగుస్తుంది.
తద్వారా ఏర్పడే ఖాళీని కవితతో భర్తీ చేయాలని కేసీఆర్ యోచిస్తున్నారనే వ్యాఖ్యలు వినిపించాయి. తాజాగా టీఆర్ఎస్ వర్గాల్లో మరో మాటలు వినిపిస్తున్నాయి. త్వరలో జరిగే కేబినెట్ విస్తరణలో ప్రస్తుత పార్టీ వర్కింగ్ ప్రెసిడెంట్ కేటీఆర్ కు స్థానం ఖాయమని, ఆయన్ను కేబినెట్లోకి తీసుకుని.. కవితకు పార్టీ వర్కింగ్ ప్రెసిడెంట్ పదవి ఇచ్చే అవకాశం ఉందనే గుసగుసలు వినిపిస్తున్నాయి. తద్వారా వచ్చే ఏడాది రాజ్యసభకు పంపించే వరకు కుమార్తెను రాజకీయంగా ప్రజల్లోనే ఉంచేలా కేసీఆర్ ఆలోచనలు చేస్తున్నారని పేర్కొంటున్నారు.
అయితే, ఇది నిజం కాదని మరికొందరు స్పష్టంచేస్తున్నారు. ‘‘వర్కింగ్ ప్రెసిడెంట్ గా బాధ్యతలు చేపట్టిన కేటీఆర్.. క్రమంగా పార్టీపై పట్టు పెంచుకుంటున్నారు. పలు అంశాల్లో దూసుకెళ్తున్నారు. ఇలాంటి తరుణంలో ఆయన్ను సారథి బాధ్యతల నుంచి తప్పించే అవకాశం ఎంత మాత్రం ఉండదు. పైగా త్వరలో మున్సిపల్ ఎన్నికలు జరగనున్న నేపథ్యంలో కేసీఆర్ ఇలాంటి ప్రయోగాలు చేయరు. కేటీఆర్ ను కేబినెట్లోకి తీసుకున్నప్పటికీ, వర్కింగ్ ప్రెసిడెంట్ గా ఆయన్నే కొనసాగిస్తారు’’ అని టీఆర్ఎస్ నేత ఒకరు పేర్కొన్నారు. కవితను రాజ్యసభకు పంపించే అవకాశాలే ఎక్కువని ఆయన అభిప్రాయపడ్డారు.
582933 905861I conceive this web internet site contains some rattling fantastic info for everybody : D. 711256
467076 553800Reading, watching movies or plays, or comparable activities that may possibly bring inspiration. 623433