అక్టోబర్ 2న ‘సైరా నరసింహారెడ్డి’ విడుదల కానుంది. కానీ, బాలీవుడ్లో ‘వార్’ సినిమా అదే రోజున విడుదలవుతుండడం, ఆ సినిమాని తెలుగుతో సహా సౌత్లోని పలు భాషల్లో రిలీజ్ చేస్తుండడంతో ‘సైరా నరసింహారెడ్డి’ వాయిదా తప్పదనే ప్రచారం జరుగుతోంది. ఇంతకీ, ఈ విషయంపై ‘సైరా నరసింహారెడ్డి’ నిర్మాత రామ్చరణ్ మనసులో ఏముంది.? ‘సాహో’ సినిమా రేపు విడుదల కానున్న నేపథ్యంలో రామ్చరణ్, నెల్లూరు వెళ్ళాడు. అక్కడ ‘వి-ఎపిక్’ పేరుతో రూపొందించిన అతి పెద్ద థియేటర్ని రామ్చరణ్ ప్రారంభించాడు.
దేశంలోనే అతి పెద్ద స్క్రీన్ ఈ మల్టీప్లెక్స్లో వుంది. ఈ మల్టీప్లెక్స్, ‘సాహో’ సినిమా ప్రదర్శనతో ప్రేక్షకులకు అందుబాటులోకి రానుంది. ఈ సందర్బంగా ‘సైరా నరసింహారెడ్డి’ గురించిన ప్రశ్నలు చరణ్ ముందుకొచ్చాయి. ఎట్టి పరిస్థితుల్లోనూ అక్టోబర్ 2న ‘సైరా నరసింహారెడ్డి’ సినిమా విడుదలవుతుందని చరణ్ స్పష్టం చేశాడు. అంతే కాదు, తన బాబాయ్ పవన్ కళ్యాణ్ పుట్టినరోజు సందర్భంగా నిన్ననే కామన్ డీపీని విడుదల చేసిన చరణ్, ముందస్తుగా బాబాయ్కి పుట్టినరోజు శుభాకాంక్షలు కూడా చెప్పేశాడు.
‘సాహో’ గురించి మాట్లాడుతూ, తెలుగు సినిమా ఖ్యాతిని పెంచిన ‘బాహుబలి’లానే ‘సాహో’ కూడా సత్తా చాటాలని ఆకాంక్షించాడు. ‘సాహో’ తెలుగువారంతా గర్వించదగ్గ సినిమా అవ్వాలనీ, ‘సాహో’ తర్వాత ‘సైరా నరసింహారెడ్డి’ భారతీయ ప్రేక్షకుల్ని అలరించేందుకు సిద్ధమవుతోందనీ చరణ్ వ్యాఖ్యానించాడు. సో, వారం రోజులపాటు ‘సైరా నరసింహారెడ్డి’ వాయిదా పడొచ్చనీ, అక్టోబర్ 2వ తేదీకి బదులు 9వ తేదీన విడుదలవుతుందనీ జరుగుతున్న ప్రచారంలో నిజం లేదన్నమాట.
మరి, ‘వార్’ సినిమాతో ‘సైరా నరసింహారెడ్డి’ బాలీవుడ్లో పోటీపడగలదా.? అన్నదే మిలియన్ డాలర్ల ప్రశ్న. ఎందుకంటే ‘వార్’ సినిమాలో టైగర్ ష్రాఫ్, హృతిక్ రోషన్ వంటి స్టార్లున్నారు. బాలీవుడ్లో చిరంజీవి గతంలోనూ సినిమాలు చేసినా, ‘సైరా నరసింహారెడ్డి’లో సత్తా వున్నా, పోటీ కారణంగా వసూళ్ళపై ప్రభావం మాత్రం ఖచ్చితంగా పడి తీరుతుంది.
271388 934990Woh I like your posts , saved to fav! . 817457
37325 931010hello!,I really like your writing so much! 90310
769628 787776I like the valuable data you provide within your articles. Ill bookmark your weblog and check once more here regularly. Im quite certain I will learn lots of new stuff right here! Finest of luck for the next! 4534