జగన్ కొత్త మెలిక.. కరెంట్ బిల్లు పెరిగితే పింఛన్ కట్..

ఎన్నికల సమయంలో ఇచ్చిన హామీలు నెరవేర్చేందుకు ఎంత దూరమైనా వెళ్తామని, ఎంత కష్టమైనా సరే ప్రజలకు ఇచ్చిన హామీలు నెరవేరుస్తామని పేదలకు, బడుగు బలహీన వర్గాల అభ్యున్నతే తమ లక్ష్యం అని చెప్పిన జగన్… అధికారంలోకి వచ్చిన వెంటనే వరసపెట్టి సంక్షేమ పథకాలు ప్రవేశపెట్టారు. వాటిని అమలు చేస్తూ ఆరు నెలల కాలంలో అనుకున్నట్టుగానే మంచి సీఎంగా పేరు తెచ్చుకున్నారు. ఇంతటితో ఆ భాగం ముగినట్టు అయ్యింది. మంచి సీఎంగా ఆరునెలల్లో పేరు తెచ్చుకుంటా అని చెప్పి ఇవన్నీ చేసి ఆ పేరు కొట్టేశాడు. సరే బాగానే ఉంది.

అసలు కథ ఇప్పుడే మొదలుపెట్టాడు జగన్. రాష్ట్రంలో 65 ఏళ్ళు దాటినా ముసలివాళ్లను పింఛన్ ఇస్తున్నారు. నిమ్న, బడుగు, పేద ప్రజలకు రేషన్ ఇస్తున్నారు. ఇప్పుడు ఈ పింఛన్, రేషన్ కు చెక్ పడే రోజులు దగ్గర పడ్డాయి. అదెలా ఉంటె, గ్రామాల్లో నెలకు పదివేలు, పట్టణాల్లో నెలకు 12 వేలు సంపాదన కంటే తక్కువ ఉండే వ్యక్తులకు ఈ రేషన్ పధకం అమలు జరుగుతున్నది.

సరే సంపాదన పక్కన పెడదాం. ఇప్పుడు ఓ కొత్త మెలికను ప్రభుత్వం తీసుకొచ్చింది. ఇటీవలే ప్రభుత్వం ఓ కొత్త జీవోను విడుదల చేసింది. ఈ జీవో ప్రకారం కరెంట్ 200 యూనిట్లకు మించకూడదు. అలా మించితే రేషన్ కట్ అవుతుంది. అలానే 300 యూనిట్లకు మించితే పింఛన్ కట్ అవుతుంది.

ఇప్పటి వరకు ఇంట్లో ఎంతమంది 65 ఏళ్ళు దాటిన వ్యక్తులుంటే అంతమందికి పింఛన్ ఇచ్చేవారు. ఇప్పుడు ఒక ఇంట్లో ఒకరికే పింఛన్ అదే వాదన తీసుకొచ్చారు. ఇంకా ఇలాంటి మెలికలు ఎన్నో తీసుకొచ్చి సంక్షేమ పథకాలకు ప్రజలను కొద్దికొద్దిగా దూరం చేయబోతున్నారు జగన్. అదన్నమాట సంగతి.