తెలుగుదేశం పార్టీ అధినేత నారా చంద్రబాబునాయుడు, అమరావతిని ఆంధ్రప్రదేశ్ రాజధానిగా ప్రకటించే క్రమంలో ఏకపక్ష నిర్ణయం తీసుకున్న మాట వాస్తవం. రాజధాని, రాష్ట్రానికి సంబంధించిన అంశం. ఈ క్రమంలో అన్ని రాజకీయ పార్టీలనూ కలుపుకుపోయి వుండాల్సింది అప్పటి చంద్రబాబు ప్రభుత్వం. అయితే, ‘ప్రభుత్వం తరఫున ప్రతిపక్షాన్ని కలుపుకుపోయేందుకు ఎన్ని ప్రయత్నాలు చేసినా అందుకు అప్పటి ప్రతిపక్ష నేత వైఎస్ జగన్ సహకరించలేదు..’ అన్నది టీడీపీ వెర్షన్. కానీ, ‘పెద్దన్న’ పాత్ర పోషించాల్సిన చంద్రబాబు, ‘అహంకారం’ ప్రదర్శించారు.. దాంతో, వైఎస్ జగన్ ‘అహం’ దెబ్బతింది. ఇదే, ఇఫ్పుడు అమరావతికి ‘మరణ శాసనం’గా మారిందన్నది రాజకీయ విశ్లేషకుల అభిప్రాయం.
‘అమరావతి అభివృద్ధిని మా ప్రభుత్వం అడ్డుకోదు. అమరావతికి సమాంతరంగా విశాఖ, కర్నూలు కూడా రాజధానులుగా అభివృద్ధి చెందుతాయి..’ అని వైసీపీ నేతలు చెబుతున్నా, పరిస్థితి తీవ్రత ఏంటో వాళ్ళకి అర్థం కాదని ఎలా అనుకోగలం.? ఇక, తాజా పరిణామాలపై ప్రముఖ రాజకీయ విశ్లేషకుడు ప్రొఫెసర్ నాగేశ్వర్ మాట్లాడుతూ, చంద్రబాబు అమరావతిని తన ‘సొంత బ్రాండ్’గా ప్రమోట్ చేసుకున్నారనీ, దాంతో అమరావతి పట్ల వైఎస్ జగన్లో అసహనం పెరిగి వుండొచ్చని అభిప్రాయపడ్డారు. అసెంబ్లీలో అమరావతికి ‘జై’ కొట్టిన వైఎస్ జగన్, ఇప్పుడు ఆ అమరావతి నుంచి రాజధానిని విశాఖకు తరలించడం సబబు కాదని నాగేశ్వర్ చెప్పుకొచ్చారు.
అయితే, రాష్ట్ర ప్రభుత్వ నిర్ణయాల్లో రాజధానికి సంబంధించి కేంద్రం జోక్యం చేసుకునే పరిస్థితి వుండదని అంటున్నారు నాగేశ్వర్. ఫెడరల్ వ్యవస్థలో ఓ రాష్ట్ర రాజధాని విషయమై కేంద్రం స్పందించడం జరగకపోవచ్చన్నది నాగేశ్వర్ చెబుతున్న మాట. ఇక, ‘బ్రాండ్ అమరావతి – బ్రాండ్ చంద్రబాబు’ విషయానికొస్తే.. నాగేశ్వర్ వ్యాఖ్యల్లో నూటికి నూరుపాళ్ళూ వాస్తవం లేకపోలేదు. ‘సంక్షోభాల్ని అవకాశాలుగా మలచుకుంటాను.. రాజధానిని నిర్మిస్తాను..’ అని గొప్పలు చెప్పుకున్న చంద్రబాబు, వాస్తవ పరిస్థితుల్ని పరిగణనలోకి తీసుకోకుండా, అంతర్జాతీయ స్థాయి రాజధాని.. అంటూ అటు కేంద్రాన్ని కూడా లెక్కచేయలేదన్నది నిర్వివాదాంశం.
ఇలా ఎలా చూసినా, చంద్రబాబు బ్రాండ్.. ఇప్పుడు రాష్ట్రానికి పెను నష్టం వాటిల్లేలా చేస్తోంది. మొత్తమ్మీద, చంద్రబాబు మీద అక్కసుతో.. అమరావతికి వైఎస్సార్ కాంగ్రెస్ పార్టీ అధినేత వైఎస్ జగన్ మోహన్రెడ్డి ‘వెన్నుపోటు’ పొడుస్తున్నారన్న ప్రచారంలోనూ వాస్తవం లేకపోలేదన్నమాట.
250132 579471As being a Newbie, Were permanently exploring online for articles which can be of support to me. Several thanks 637537
394245 867466Just a smiling visitant here to share the adore (:, btw outstanding style . 53405