మూడు వారాలు కనీసం బిగ్ హౌస్లో వుండాలనుకున్న హేమకి బిగ్ బాస్ రియాల్టీ షో మూడో సీజన్ పెద్ద షాకే ఇచ్చింది. అయినా, హౌస్లోకి ఎంటర్ అయ్యింది టైటిల్ గెలవడానికే తప్ప, మొదటి వారమో.. రెండో వారమో బయటకు వచ్చేయడానికా.? ఏ కంటెస్టెంట్ కూడా అలాగని చెప్పరు. కానీ, హేమ మాత్రం తాను మూడు వారాల పాటు కనీసం హౌస్లో వుండాలనుకుంటున్నట్లు చెప్పి అందర్నీ ఆశ్చర్యపరిచింది. బయటకొచ్చాక, బిగ్బాస్పై తీవ్ర ఆరోపణలు చేస్తోంది హేమ.
హౌస్లో తనకు సంబంధించిన ఫుటేజ్ని తప్పుగా చూపించారన్నది ఆమె చేస్తున్న ప్రధాన ఆరోపణ. తన మీద నెగెటివిటీ పెంచేలా బిగ్బాస్ వ్యవహరించారంటూ, హౌస్ నుంచి ఎలిమినేట్ అయ్యాక హేమ ఓ ఛానల్ ఇంటర్వ్యూలో మాట్లాడుతూ వివరించింది. మరోపక్క, ఇదంతా కేవలం పబ్లిసిటీ స్టంట్ మాత్రమేననీ, ఒకే ఒక్క వారం కోసం ఆమెతో ముందస్తుగా ఒప్పందం చేసుకున్నారనీ.. ఆ వ్యూహం ప్రకారమే, ఆమెను ఫస్ట్ వీకెండ్లో ఎలిమినినేట్ చేశారనీ ప్రచారం జరుగుతోంది.
‘హేమ ఔట్, తమన్నా సింహాద్రి ఇన్..’ అంటూ, హేమ పేరు ‘ఎలిమినేషన్ నామినేషన్స్’లోకి రాకముందే గాసిప్స్ విన్పించాయి. ఇదిలా వుంటే, హేమ ద్వారా మేగ్జిమమ్ నెగెటివిటీని పెంచి, బిగ్బాస్ రియాల్టీ షోకి క్రేజ్ తీసుకురావాలనే ప్రయత్నం తెరవెనుక గట్టిగా జరుగుతోందట. దీనికోసం హేమకి బిగ్బాస్ నిర్వాహకులు బాగానే సమర్పించుకున్నారనీ, గత ఎపిసోడ్స్కి సంబంధించి కూడా ఇలాంటి పబ్లిసిటీ జిమ్మిక్స్ జరిగాయని అంటున్నారు.
కాగా, బిగ్ హౌస్లో పరిణామాల పట్ల సీనియర్ జర్నలిస్ట్ శ్వేతా రెడ్డి మరోసారి సంచలన ఆరోపణలు చేశారు. బిగ్బాస్లో అంతా అడ్డగోలు వ్యవమారమేనని మరోసారి ఆమె మండిపడ్డారు. తనతో ఒప్పందం కుదుర్చుకుని మోసం చేశారని బిగ్బాస్ నిర్వాహకులపై ఆరోపణలు చేస్తున్నారామె. హేమని కలుస్తాననీ, ఆమెతో కలిసి పోరాటం చేస్తానని చెబుతున్నారు శ్వేతా రెడ్డి. ఎట్టి పరిస్థితుల్లోనూ నాగార్జున బిగ్బాస్ని వదులుకోవాల్సిందేనన్నది శ్వేతారెడ్డి డిమాండ్. ఇలాంటి వివాదాలు బిగ్బాస్కి ఉచితంగా పబ్లిసిటీ తెచ్చిపెడతాయి తప్ప.. బిగ్బాస్కి ఏమాత్రం నష్టం లేదన్నది మరో వాదన.
935221 252570You recognize, lots of persons are looking around for this info, you can help them greatly. 702394
426179 238982I feel one of your ads triggered my internet browser to resize, you might want to put that on your blacklist. 474589