ఎవర్నయినా ప్రపంచానికి పరిచయం చేసేది అమ్మే. ఆ అమ్మని తలచుకోకుండా రోజు ప్రారంభమవుతుందా? అలాంటిది, ఓ రోజుని ప్రత్యేకంగా ‘మదర్స్‌ డే’ అని జరుపుకోవడమేంటి.! శ్వాస ఎలా పీల్చుకుంటామో, అమ్మని తలచుకోవడం కూడా అంతే. అమ్మ లేకపోతే, మనిషి మనుగడకి అవకాశమే లేదు. పెరిగిన సాంకేతిక పరిజ్ఞానం కారణంగా అమ్మతో కూడా అవసరం లేకుండా మనుషులు జన్మించేస్తున్నారంటూ వార్తలు వింటున్నాం. ఇక, అమ్మతో పనేంటి.? అనుకునేవారూ ముందు ముందు కన్పిస్తారు. ‘అమ్మ’ అంటే ఇదీ అని, వాళ్ళకి ప్రత్యేకంగా చెప్పాల్సి వస్తుంది.
ముందే చెప్పుకున్నట్టు, ప్రపంచానికి మనిషిని అమ్మే పరిచయం చేస్తుంటుంది. అంటే, మనిషి ప్రస్థానం అమ్మ నుంచే ప్రారంభమవుతుందన్నమాట. ఆ అమ్మ కోసం ఓ రోజున ఇంకాస్త ప్రత్యేకంగా కేటాయిస్తే అది తప్పేమీ కాదు. అది అమ్మ మీద మన అభిమానాన్ని ఇంకొంచెం ఎక్కువగా చాటుకోవడానికి ఉపయోగపడుతుందని సంబరపడాల్సిందే. అది అమ్మ మీద చూపించే ప్రేమ మాత్రమే కాదు, మనల్ని మనం గౌరవించుకునే వైనమది.
బాధ కలిగితే ‘అమ్మా’ అంటాం, భయమేస్తే ‘అమ్మో’ అంటాం. ఎందుకంటే, అమ్మతోనే మొదలైంది మన ప్రయాణం. ఆ అమ్మ రక్తమనే చనుబాల రూపంలో మనకి మొదటి ఆహారమయ్యింది. ఆ అమ్మ లాలింపులోనే ప్రేమానురాగాల్ని తెలుసుకున్నాం. మనిషిగా ఎలా మనుగడ సాగించాలో కూడా అమ్మే మనకి పాఠాలు నేర్పుతుంది. అలాంటి అమ్మ, ఇప్పుడు అందరికీ చులకనైపోతుందనుకోండి. అది వేరే సంగతి. ‘మా పిచ్చి తల్లి’ అన్నట్లుగా సినిమాల్లో ‘అమ్మ’ పాత్రని ఎంత దారుణంగా చూపిస్తున్నారో, ఆ అమ్మ పాత్రల చుట్టూ ఎంత కర్కశాన్ని టీవీ సీరియళ్ళలో అద్దుతున్నారో చూసి చప్పట్లు కొడుతూనే వున్నాం.
అమ్మ మీద ఈ ‘కొత్త’ ప్రేమ ఇక్కడితో ఆగిపోలేదు. ఎవర్నన్నా తిట్టడానికి కూడా ‘అమ్మ’ ప్రస్తావన తప్పడంలేదు. ఆఖరికి మహిళలు కూడా ‘ఆకాశంలో సగం, అన్నింటా సగం’ అనుకుంటున్నారు, అమ్మని తిట్టేందుకు పురుషులతోపాటే పోటీ పడుతున్నారు. దురదృష్టవశాత్తూ ఇలాంటోళ్ళంతా ‘హ్యాపీ మదర్స్‌ డే’ అంటూ ఎస్‌ఎంఎస్‌లు, వాట్సాప్‌ మెసేజ్‌లు, సోషల్‌ మీడియాలో పోస్టింగులతో ‘అమ్మ’కి ‘మదర్స్‌ డే’ శుభాకాంక్షలు చెప్పేస్తున్నారు.
అమ్మ అంటే ఓ అద్భుతం. అమ్మ అంటే ఆది పరాశక్తి. ఒక్క రోజు కాదు కదా, వారంలో ఏడు రోజులూ, నెలలో 30 రోజులూ, ఏడాదికి 365 రోజులూ సరిపోవు అమ్మ గురించి మాట్లాడుకోవడానికి. అమ్మని గుర్తు చేసుకోవడమంటే, అమ్మని గౌరవించడం కాదు. మనల్ని మనం గౌరవించుకోవడం. మన నుంచి ఏమీ ఆశించేది కాదు అమ్మంటే.. ఆ అమ్మ పేరు చెప్పి అడ్డగోలు పనులు చేయకుండా వుండడమే అమ్మకి మనమిచ్చే అరుదైన గౌరవం.
సాటి మహిళలో అమ్మని చూడగలిగిననాడు, ప్రతి అమ్మకీ మనం గౌరవం ఇచ్చినట్లే. అమ్మాయిలపై అఘాయిత్యాలు ఆగిపోవాలి.. భార్యలపై వేధింపులు తగ్గిపోవాలి.. ఇవన్నీ జరిగినప్పుడే అమ్మలందరూ ‘హ్యాపీ మదర్స్‌ డే’ని ఫీలవుతారు. అలాంటి రోజొకటి వచ్చేందుకు మనవంతు ప్రయత్నం చేద్దామా.? పబ్లిసిటీ ‘మదర్స్‌ డే’ల పేరుతో వికారపు చేష్టలకే పరిమితమవుదామా.? మగాళ్ళు మాత్రమే కాదు, సాటి మహిళలు కూడా ‘అమ్మ’ గురించి ఈ ఒక్క మదర్స్‌ డే సందర్భంగా అయినా చిత్తశుద్ధితో, నిబద్ధతతో, నిస్వార్ధంతో ఆలోచిద్దాం. హ్యాపీ మదర్స్‌ డే.!
365413 66771I think so. I think your post will give those people a excellent reminding. And they will express thanks to you later 735984
123268 846023I enjoy your wp format, where did you get a hold of it? 984243
570622 790122There is noticeably a great deal to realize about this. I suppose you produced certain nice points in capabilities also. 467615
735632 270044Youve genuinely written a really good quality article here. Thank you very considerably 271810
988111 82544Awesome article , Im going to spend more time researching this topic 581295