Gunturu Karam : సూపర్ స్టార్ మహేష్ బాబు హీరోగా త్రివిక్రమ్ దర్శకత్వం లో రూపొందుతున్న గుంటూరు కారం సినిమాను చాలా సార్లు వాయిదా వేసి చివరకు సంక్రాంతికి విడుదల చేయబోతున్నట్లుగా అధికారికంగా ప్రకటించారు. షూటింగ్ చాలా స్లో గా సాగుతుండటంతో పాటు, విడుదల తేదీ దగ్గర పడుతున్న నేపథ్యం లో గుంటూరు కారం మళ్లీ వాయిదా పడేనా అనే అనుమానాలు వ్యక్తం అవుతున్నాయి.
సంక్రాంతికి నాగార్జున నా సామి రంగా, వెంకీ సైంధవ్ లతో పాటు పలు సినిమాలు రాబోతున్నాయి. దాంతో సంక్రాంతికి గుంటూరు కారం లేదేమో అనే అనుమానాలకు బలం చేకూరినట్లు అయింది. తాజాగా మ్యాడ్ సినిమా ప్రమోషన్ లో భాగంగా మీడియా ముందుకు వచ్చిన నిర్మాత నాగ వంశీ మాట్లాడుతూ గుంటూరు కారం వాయిదా వేసేది లేదు అన్నడు.
సంక్రాంతికి ఇతర సినిమాలు వస్తే థియేటర్ల సమస్య వస్తుందేమో కానీ, మా సినిమాకు ఆ సినిమాలు పోటీ కాదు అన్నట్లుగా నిర్మాత నాగ వంశీ పేర్కొన్నాడు. అంతే కాకుండా గుంటూరు కారం సినిమాతో మరోసారి సూపర్ హిట్ ను అందుకోబోతున్నట్లుగా నాగవంశీ ధీమా వ్యక్తం చేశాడు.