దువ్వాడ సెజ్ లో భారీ అగ్ని ప్రమాదం..

విశాఖ జిల్లాలోని దువ్వాడ సెజ్ లో భారీ అగ్ని ప్రమాదం జరిగింది. స్థానికంగా ఉన్న పూజా స్క్రాప్స్ పరిశ్రమలో ఈ ఘటన జరిగింది. పరిశ్రమలో భారీగా మంటలు ఎగిసిపడటంతో స్థానికులు భయబ్రాంతులకు గురయ్యారు. సమాచారం అందుకున్న పోలీసులు, ఫైరింజన్ సిబ్బంది హుటాహుటిన అక్కడకు చేరుకున్నారు. మంటలను అదుపు చేస్తున్నారు. పరిశ్రమలో షార్ట్ సర్క్యూట్ వల్ల ఈ ప్రమాదం సంభవించిందని యాజమాన్యం తెలిపింది. ఇక్కడ ట్రాన్స్ ఫార్మర్స్ రిపేర్ చేస్తూంటారు. ఈ ప్రమాదంలో ఎటువంటి ప్రాణహానీ జరగకపోవడంతో అంతా ఊపిరి పీల్చుకున్నారు.