ఎవరు ఎన్ని కుప్పిగంతులు వేసినాసరే.. ఆంధ్రప్రదేశ్ రాజధాని అమరావతి మాత్రమే. ఇది ఇంకోసారి నిరూపితమయ్యింది. సరే, అమరావతిలో చంద్రబాబు హయాంలో అవినీతి జరిగిందా.? పచ్చ చొక్కాలు భూముల్ని బొక్కేశాయా.? అన్నది వేరే చర్చ. నిజానికి, అదే జరిగి వుంటే.. ఆ పచ్చ చొక్కాలన్నీ ఇప్పుడు జైల్లో వుండేవేనేమో. కానీ, అలా జరగలేదంటే.. ఒకటీ అమరావతిలో అక్రమాలు జరగలేదని అర్థం. లేదూ, ఆ పచ్చ చొక్కాలతో ప్రస్తుతం అధికారంలో వున్న వైసీపీ కుమ్మక్కయ్యిందని అర్థం.
అమరావతి అంటే వైసీపీ వర్సెస్ టీడీపీ కాదు.. చంద్రబాబు వర్సెస్ జగన్ అసలే కాదు. అమరావతి ఆంధ్రప్రదేశ్ ప్రజల ఆత్మగౌరవం. అది అమరావతి కావొచ్చు, మరో నగరం కావొచ్చు.. రాజధానిగా ముద్ర పడ్డాక ఆ నగరం లేదా ఆ ప్రాంతం రాష్ట్ర ప్రజల ఆత్మగౌరవం. కానీ, ఆ సోయ ప్రభుత్వ పెద్దలకు లేకుండా పోయింది.
చంద్రబాబు హయాంలో అమరావతి రాజధాని అయ్యింది కాబట్టి, ఆ అమరావతిని దెబ్బ తీయాలనే కుట్ర నడిచింది. అందులో భాగంగా అమరావతిని ఎడారి అన్నారు.. స్మశానమన్నారు.. ముంపు ప్రాంతమన్నారు. కానీ, అమరావతి రాజధానిగా ప్రకటితమయ్యాక.. రాష్ట్రంలో పలు సందర్భాల్లో భారీ వర్షాలు కురిసి, నదులు ఉప్పొంగి పలు ప్రాంతాలు మునిగాయే తప్ప, అమరావతి మునగలేదు.
మూడు రాజధానులన్నారు.. దాదాపు రెండేళ్ళు నడిచింది ఆ నాటకం. చివరికి ఏమయ్యింది.? మూడు రాజధానుల చట్టాన్ని ప్రభుత్వమే వెనక్కి తీసుకోవాల్సి వచ్చింది. ముఖ్యమంత్రి వైఎస్ జగన్ మోహన్ రెడ్డి మంచి నిర్ణయం తీసుకున్నందుకు అభినందించాల్సిందే. ముందంటూ ఓ రాజధానిని అభివృద్ధి చేసుకున్నాక, ఆ తర్వాత పది కాదు, పాతిక రాజధానుల్ని కడితే ఎవరైనా వద్దంటారా.? ఛాన్సే లేదు.
లక్ష కోట్లు ఖర్చు చేయలేం.. అంటూ ప్రభుత్వం అసెంబ్లీలో చెప్పడం శోచనీయం. లక్ష కోట్లు అవసరం లేదు. ఓ పది వేల కోట్లు వెచ్చించి.. చిన్న రాజధానిగా అయినా అమరావతిని అభివృద్ధి చేసి వుంటే బావుండేది కదా.? పోనీ, ఓ ఐదు వేల కోట్లు ఖర్చు చేశారా గడచిన రెండేళ్ళలో.. లేదే.!
అమరావతి ప్రాంతం మీద తనకు బోల్డంత ప్రేమ, అభిమానమని జగన్ చెప్పుకున్నారు. ఏదీ, ఎక్కడ.? అమరావతిని స్మశానంగా, ఎడారిగా మంత్రులు అభివర్ణిస్తున్నప్పుడు వారించలేదే. వారిని వారించి వున్నా అమరావతిపై వైఎస్ జగన్ మోహన్ రెడ్డికి ప్రేమ, అభిమానం వున్నాయని అనుకోవచ్చు.
మరింత సమగ్రమైన రీతిలో బిల్లుని తీసుకొస్తామని వైఎస్ జగన్ మోహన్ రెడ్డి చెబుతున్నారు. ఏమో, అదెలా వుంటుందోగానీ, ముందైతే ఏకైక రాజధాని అమరావతి మీద ఫోకస్ పెట్టాలి. రాష్ట్రానికి రాజధాని అవసరం.. అదీ అత్యంత వేగంగా. లేదంటే, రాష్ట్రం ఇప్పటికే పాతికేళ్ళు వెనకబడింది.. ఇంకో యాభైయ్యేళ్ళు వెనకబడిపోతుంది అభివృద్ధిలో.
742524 325418This sort of in search of get the enhancements created on this particular lifestyle and diet, begin your L . a . Shifting the pounds diet remedy is really a huge procedure into accesing which generally hope. weight loss 447873
778066 30094Gratitude for building this send! I in reality recognize the no cost information. 126100