ఫ్రెంచ్ ఓపెన్ లో రఫెల్ నాదల్ 13వ సారి టైటిల్ ను దక్కించుకున్నాడు. దీంతో రఫెల్ ఖాతాలో మొత్తం 20 గ్రాండ్ స్లామ్ లు చేరాయి. ఈ అరుదైన ఘనత దక్కించుకున్న రఫెల్ ను ఫెదరర్ అభినందించాడు.
ఈ సందర్బంగా ఫెదరర్ ఎమోషనల్ ట్వీట్ చేశాడు. వీరిద్దు ఎన్నో సార్లు ఢీ అంటే ఢీ అంటూ కోర్టులో తలబడ్డారు. కాని ఫెదరర్ రికార్డును ఈసారి రఫెల్ సమం చేసిన కారణంగా ఇద్దరి మద్య పోటీ కేవలం కోర్టు వరకే అని వ్యక్తిగతంగా మంచి స్నేహితులం అన్నట్లుగా ఫెదరర్ ట్వీట్ లో పేర్కొన్నాడు.
నాకు ఎన్నో ఏళ్లుగా ప్రథాన ప్రత్యర్థి అయినా ఒక వ్యక్తిగా ఛాంపియన్గా రఫెల్ నాకు మంచి మిత్రుడు. అతడు నిండు హృదయం కలిగిన వాడు. అన్నింటికంటే ముఖ్యమైన విషయం ఏంటీ అంటే ఈసారి అతడు 13వ సారి టైటిల్ను దక్కించుకున్నాడు.
మా ఇద్దరి ప్రయాణాల్లో 20 అనే మైలురాయి కీలకమైనదిగా నమ్ముతున్నాను. తాజా మ్యాచ్ లో నెం.1 ఆటగాడు నొవాక్ జకోవిచ్ను ఓడించి రఫెల్ టైటిల్ను దక్కించుకోవడం పట్ల ఫెదరర్ ప్రశంసలు కురిపించాడు. ఈ విజయానికి రఫెల్ పూర్తి అర్హుడు, ఆట అద్బుతంగా సాగిందంటూ పేర్కొన్నాడు.