రాశి ఫలాలు: ఆదివారం 06 ఫిబ్రవరి 2022

పంచాంగం

శ్రీ ప్లవనామ సంవత్సరం ఉత్తరాయణం శిశిర ఋతువు మాఘమాసం శుక్లపక్షం

సూర్యోదయం: ఉ 6:35
సూర్యాస్తమయం : సా‌.5:53
తిథి: మాఘశుద్ధ పంచమి ఉ.7:04 వరకు తదుపరి మాఘ శుద్ధ షష్ఠి
సంస్కృతవారం: భానువాసరః (ఆదివారం)
నక్షత్రము : రేవతి రా.8:20 ని.వరకు తదుపరి అశ్వని
యోగం: సాధ్యం రా.8:07 నిమిషాల వరకు తదుపరి శుభం
కరణం: బాలవ ఉ.7:04 వరకు
వర్జ్యం: ఉ.7:55 నుండి 9:34 వరకు
దుర్ముహూర్తం.సా.4:26 నుండి 5:11 వరకు
రాహుకాలం: సా.4:30 నుండి 6:00 వరకు
యమగండం:మ.12:00 నుండి. 1:30 వరకు
గుళికా కాలం :మ.3:20 నుండి 4:45 వరకు
బ్రాహ్మీ ముహూర్తం: తె.5:14 నుండి ఉ .6:02 వరకు
అమృతఘడియలు: సా.5:51 నుండి 7:30 వరకు
అభిజిత్ ముహూర్తం: మ.12:07 నుండి 12:52 వరకు

ఈరోజు. (06-02-2022) రాశి ఫలితాలు

మేషం: సోదరులతో స్థిరాస్తి వివాదాలు కలుగుతాయి. ముఖ్యమైన వ్యవహారాల్లో ఆలోచించి నిర్ణయాలు తీసుకోవాలి. రుణదాతల నుండి ఒత్తిడి అధికమవుతుంది చేపట్టిన పనులు మందకొడిగా సాగుతాయి. వృత్తి వ్యాపారాలు అంతంత మాత్రంగా సాగుతాయి, ఉద్యోగాలలో కొన్ని ఇబ్బందులు తప్పవు.

వృషభం: చిన్ననాటి మిత్రుల సహాయంతో కొన్ని పనులు పూర్తి చేస్తారు. ఆప్తుల ఉండి ఆశ్చర్యకరమైన విషయాలు తెలుస్తాయి. దైవ సేవా కార్యక్రమాలలో పాల్గొంటారు. ఆధ్యాత్మిక సేవా కార్యక్రమాలపై దృష్టి సారిస్తారు. వ్యాపారాలు విస్తరణ ప్రయత్నాలు ఫలిస్తాయి. ఉద్యోగ వాతావరణం ప్రశాంతంగా ఉంటుంది.

మిథునం: కొన్ని వ్యవహారాలలో సన్నిహితుల సహాయ సహకారాలతో ముందుకు సాగుతారు. చేపట్టిన పనులు అనుకున్న విధంగా పూర్తి చేస్తారు. ఆత్మీయుల నుంచి కీలక సమాచారం అందుతుంది. వృత్తి వ్యాపారాల్లో ఆశించిన లాభాలు అందుతాయి నిరుద్యోగుల కలలు సాకారం అవుతాయి. అధికారుల అనుగ్రహంతో పదోన్నతులు పెరుగుతాయి.

కర్కాటకం: నూతన ప్రయత్నాలు చేస్తారు. దూర ప్రయాణాలలో మార్గ అవరోధాలు కలుగుతాయి కుటుంబ సభ్యుల నుండి ఒత్తిడి పెరుగుతుంది. దూరపు బంధువుల ఆగమనం కొంత ఆనందం కలిగిస్తుంది. ఆరోగ్య విషయంలో అశ్రద్ధ చేయడం మంచిది కాదు. వృత్తి వ్యాపారాలు నిరుత్సాహపరుస్తాయి. ఉద్యోగాలలో అదనపు పనిభారం ఉంటుంది.

సింహం: వ్యయ ప్రయాసలతో గాని పనులు పూర్తి కావు కుటుంబసభ్యులతో చిన్నపాటి విభేదాలు ఉంటాయి. ఆర్థిక పరిస్థితి గందరగోళంగా ఉంటుంది. చేపట్టిన పనులు వాయిదా పడతాయి. వ్యాపార ఉద్యోగాలు సామాన్యంగా సాగుతాయి. సంతానం విద్యా విషయాలపై దృష్టి సారించడం మంచిది.

కన్య; సమాజంలో ప్రముఖులతో పరిచయాలు పెరుగుతాయి. గౌరవ మర్యాదలకు లోటుండదు. చేపట్టిన పనులు సకాలంలో పూర్తి చేస్తారు. నూతన వాహనం కొనుగోలు చేస్తారు. వ్యాపారాలు సజావుగా సాగుతాయి. ఉద్యోగాలలో మరింత అనుకూల పరిస్థితులు ఉంటాయి. జీవిత భాగస్వామితో పుణ్యక్షేత్రాలు సందర్శిస్తారు.

తుల: చిన్ననాటి మిత్రుల నుంచి శుభవార్తలు అందుతాయి. వాహన కొనుగోలు ప్రయత్నాలు ఫలిస్తాయి. అధికారులతో చర్చలు సఫలం అవుతాయి. బయట మీ మాటకు విలువ పెరుగుతుంది. నూతన వ్యాపారాలకు పెట్టుబడులు అందుతాయి. ఉద్యోగాలలో ఆశించిన పురోగతి సాధిస్తారు. ఆదాయ మార్గాలు పెరుగుతాయి.

వృశ్చికం: చేపట్టిన పనుల్లో ప్రతిబంధకాలు ఉంటాయి. ఆరోగ్య విషయంలో అశ్రద్ధ చేయడం మంచిది కాదు వ్యాపారాలకు పెట్టుబడులు పెట్టే విషయంలో పునరాలోచన చేయడం మంచిది. బంధుమిత్రులతో మాటపట్టింపులు ఉంటాయి. దైవ సేవా కార్యక్రమాల్లో పాల్గొంటారు. వ్యాపార, ఉద్యోగాలలో కొంత గందరగోళ పరిస్థితులు ఉంటాయి.

ధనస్సు: అనుకున్న పనులు అనుకున్న సమయానికి పూర్తి కావు. ఇంటాబయట ఊహించని సమస్యలు చోటుచేసుకుంటాయి. వాహన ప్రయాణాల్లో జాగ్రత్త అవసరం.ఆధ్యాత్మిక కార్యక్రమాలలో పాల్గొంటారు. మాతృ వర్గ బంధువుల నుండి ఆశ్చర్యకరమైన విషయాలు తెలుస్తాయి. వృత్తి ఉద్యోగాలలో సహోద్యోగులతో మాటపట్టింపులు ఉంటాయి.

మకరం: నూతన మిత్రులు పరిచయాలు ఉత్సాహాన్నిస్తాయి. శుభకార్యాలకు ధనవ్యయం చేస్తారు వాహన కొనుగోలు ప్రయత్నాలు ఫలిస్తాయి. సంతానం పోటీ పరీక్షల్లో విజయం సాధిస్తారు. దానికి సోదరుల నుండి ధన సహాయం అందుతుంది భాగస్వామి వ్యాపారాలలో పురోగతి సాధిస్తారు, ఉద్యోగాలలో సమస్యలు తొలగుతాయి.

కుంభం: చేపట్టిన వ్యవహారాలు మందగిస్తాయి. ఆర్థిక ఇబ్బందులు వలన నూతన రుణయత్నాలు చేస్తారు. దూరప్రయాణ సూచనలు ఉన్నవి. ఆధ్యాత్మిక చింతన పెరుగుతుంది. వ్యాపార విస్తరణ ప్రయత్నాలు వాయిదా వేస్తారు. వృత్తి ఉద్యోగాలలో ఇతరుల నుండి విమర్శలు అధికమవుతాయి. ఉద్యోగ ప్రయత్నాలు ఫలిస్తాయి.

మీనం: కీలక సమయంలో సన్నిహితుల స్నేహితుల సలహాలు కలిసివస్తాయి. చేపట్టిన పనులు విజయవంతంగా పూర్తి చేస్తారు. ఆప్తుల నుంచి అరుదైన ఆహ్వానాలు అందుతాయి. వ్యాపారాలు లాభసాటిగా సాగుతాయి. నిరుద్యోగులకు శుభవార్తలు అందుతాయి. విలువైన వస్త్రాలు ఆభరణాలు కొనుగోలు చేస్తారు.