రాశి ఫలాలు: బుధవారం 06 ఏప్రిల్ 2022

పంచాంగం

శ్రీ శుభకృత్ నామ సంవత్సరం ఉత్తరాయణం వసంతఋతువు చైత్రమాసం శుక్లపక్షం

సూర్యోదయం: ఉ.5:59
సూర్యాస్తమయం : సా‌.6:11
తిథి: చైత్ర శుద్ధ పంచమి సా.4:43 నిమిషాల వరకు తదుపరి చైత్ర శుద్ధ షష్ఠి
సంస్కృతవారం: సౌమ్యవాసరః (బుధవారం)
నక్షత్రము: రోహిణీ రా.6:18 వరకు తదుపరి మృగశిర
యోగం: ఆయుష్మాన్ ఉ.7:32 వరకు తదుపరి సౌభాగ్యం
కరణం:బాలవ సా.4:10 వరకు తదుపరి కౌలవ
వర్జ్యం: ఉ‌9:22 నుండి 11:06 వరకు తదుపరి రా.12:41 నుండి 2:27 వరకు
దుర్ముహూర్తం: ఉ.11:36 నుండి మ.12:24 వరకు
రాహుకాలం: మ.12:00 నుండి 1:30 వరకు
యమగండం: ఉ.7:30 నుండి 9:30 వరకు
గుళికా కాలం:ఉ.10:46 నుండి 12:18 వరకు
బ్రాహ్మీ ముహూర్తం: తె.4:34 నుండి ఉ.5:22 వరకు
అమృతఘడియలు:మ.2:42 నుండి 4:27 వరకు
అభిజిత్ ముహూర్తం: లేదు

ఈరోజు (06-04-2022) రాశి ఫలితాలు

మేషం: కీలక వ్యవహారాలు నిదానంగా సాగుతాయి. ఉద్యోగమున అదనపు బాధ్యతల వలన విశ్రాంతి ఉండదు. ఆర్థిక పరిస్థితి అంతంత మాత్రంగా ఉంటుంది. వృధా ఖర్చుల విషయంలో జాగ్రత్తగా వ్యవహరించాలి. వృత్తి వ్యాపారాలలో ఊహించని సమస్యలు కలుగుతాయి.

వృషభం: పాత మిత్రులతో వివాదాలు పరిష్కారమౌతాయి అవసరానికి ధన సహాయం అందుతుంది. చేపట్టిన వ్యవహారాలు సకాలంలో పూర్తి చేస్తారు. ఆకస్మిక ధనలాభ సూచనలున్నవి. ఉద్యోగులకు పదోన్నతులు పెరుగుతాయి నిరుద్యోగ ప్రయత్నాలు ఫలిస్తాయి.

మిథునం: ఆర్థిక ఒడిదుడుకులు చికాకు పరుస్తాయి. వాహనాలు ప్రయాణాలలో జాగ్రత్త అవసరం. వృధా ఖర్చులు పెరుగుతాయి. బంధు మిత్రులతో పుణ్యక్షేత్రాలు సందర్శించుకుంటారు. సంతాన విద్యా, ఉద్యోగ ప్రయత్నాలు మందగిస్తాయి. వ్యాపారాలలో ఆలోచించి పెట్టుబడుల పెట్టడం మంచిది.

కర్కాటకం: నూతన కార్యక్రమాలకు శ్రీకారం చుడతారు. ఆర్థిక పరిస్థితి ఆశాజనకంగా ఉంటుంది. ముఖ్యమైన వ్యవహారాలలో జీవిత భాగస్వామి సలహాలు తీసుకుని ముందుకు సాగడం మంచిది. దీర్ఘ కాలిక అనారోగ్యాల సమస్యల నుండి ఉపశమనం పొందుతారు. వృత్తి, వ్యాపారాలలో ఆశించిన లాభాలు అందుతాయి.

సింహం: గృహమున కుటుంబ సభ్యులతో సంతోషంగా గడుపుతారు. వృత్తి వ్యాపారాలకు నూతన పెట్టుబడులు అందుతాయి. చాలకాలంగా వేదిస్తున్న సమస్యలు అధిగమిస్తారు. ఆర్థిక ఇబ్బందుల నుంచి కొంత వరకు బయటపడతారు. బంధువులతో వివాదాలు తొలగుతాయి.ఉద్యోగ వాతావరణం అనుకూలిస్తుంది.

కన్య: చిన్ననాటి మిత్రులతో ఏర్పడిన వివాదాలు పరిష్కారమవుతాయి. ఆదాయ మార్గాలు ఉత్సాహనిస్తాయి. భూ క్రయ విక్రయాలలో స్వల్పలాభాలు అందుతాయి. ఆధ్యాత్మిక కార్యక్రమాలపై ఆసక్తి పెరుగుతుంది. సంఘంలో గౌరవ మర్యాదలు పెరుగుతాయి. నూతన వ్యాపారాలు ప్రారంభించి లాభాలు అందుకుంటారు.

తుల: గృహ వాతావరణం గంధరగోళంగా ఉంటుంది ముఖ్యమైన వ్యవహరాలు నిదానంగా సాగుతాయి. విలువైన వస్తువుల విషయంలో జాగ్రత్త అవసరం వివాహ, ఉద్యోగ ప్రయత్నాలు మందగిస్తాయి. ఆర్థిక పరిస్థితి నిరుత్సాహపరుస్తుంది. ఉద్యోగమున అధికారుల ఆగ్రహానికి గురవుతారు.

వృశ్చికం: నిరుద్యోగులకు లభించిన అవకాశాలను సద్వినియోగం చేసుకోవాలి. సోదరులతో స్ధిరాస్తి వివాదాలు తీరి నూతన ఒప్పందాలు చేసుకుంటారు. ఉద్యోగులకు హోదాలు పెరుగుతాయి నిరుద్యోగులకు నూతన అవకాశాలు దక్కుతాయి. వ్యాపార విస్తరణ ప్రయత్నాలు కలసివస్తాయి. జీవిత భాగస్వామితో పుణ్యక్షేత్రాలు సందర్శిస్తారు.

ధనస్సు: మిత్రుల నుండి వివాదాలకు సంభందించి విలువైన సమాచారం సేకరిస్తారు. ఇంటాబయట అనుకూల వాతావరణం ఉంటుంది. బంధువర్గం నుండి శుభకార్య ఆహ్వానాలు అందుతాయి. దూర ప్రయాణాలు కలసి వస్తాయి. ముఖ్యమైన పనులు సకాలంలో పూర్తి చేస్తారు. వృత్తి, వ్యాపారాలు లాభసాటిగా సాగుతాయి.

మకరం: భాగస్వామ్య వ్యాపారాలు అంతంత మాత్రంగా ఉంటాయి. సోదరులతో చిన్నపాటి వివాదాలు కలుగుతాయి. ఆకస్మిక ప్రయాణ సూచనలు ఉన్నవి. మీ ఆలోచనలు కుటుంబ సభ్యులకు నచ్చే విధంగా ఉండవు. సంతాన ఆరోగ్య విషయంలో జాగ్రత్త అవసరం. దైవ, సేవా కార్యక్రమాలలో పాల్గొంటారు.

కుంభం: వివాదాలకు దూరంగా ఉండటం మంచిది. వృత్తి, వ్యాపారాలు స్వల్పంగా లాభిస్తాయి. చేపట్టిన పనులలో సమస్యలు ఎదురైనా అధిగమించి ముందుకు సాగుతారు. దీర్ఘ కాలిక రుణాలు కొంతవరకు తీరుస్తారు. వాహన కొనుగోలు ప్రయత్నాలు వాయిదా పడతాయి ఉద్యోగస్తులకు అదనపు పనిభారం ఉంటుంది.

మీనం: సమాజంలో మీ మాటకు విలువ పెరుగుతుంది. వృత్తి, వ్యాపారాలు లాభసాటిగా సాగుతాయి. కీలక వ్యవహారాలలో సొంత ఆలోచనలు చెయ్యడం మంచిది మిత్రులతో విందు వినోదాది కార్యక్రమాలలో పాల్గొంటారు. స్థిరాస్తి కొనుగోలు ప్రయత్నాలు ఫలిస్తాయి. ఉద్యోగులకు పదోన్నతులు పెరుగుతాయి.