Bubblegum: రోషన్ కనకాల (Roshan Kanakala), మానస హీరోహీరోయిన్లుగా తెరకెక్కిన సినిమా ‘బబుల్ గమ్’. రవికాంత్ పేరేపు (Ravikanth Perepu) దర్శకత్వంలో తెరకెక్కిన సినిమాను మహేశ్వరి మూవీస్ బ్యానర్ పై పి.విమల నిర్మిస్తూండగా.. పీపుల్ మీడియా ఫ్యాక్టరీ (People media factory) సమర్పిస్తోంది. ఈనెల 29న విడుదలకానున్న సినిమా ప్రీ-రిలీజ్ ఈవెంట్ హైదరాబాద్ లో జరిగింది.
హీరో రోషన్ మాట్లాడుతూ.. ‘యూత్ కేరింతలు కొట్టేలా దర్శకుడు సినిమాను అద్భుతంగా తెరకెక్కించాడు. సినిమా ఖచ్చితంగా ఎంజాయ్ చేస్తారని.. సినిమాను ఎమోషన్ గా ఫీల్ అవుతారనే నమ్మకం ఉంది. మన జీవితంలో ఎదురైన సందర్భాలే సినిమాలో కనిపిస్తాయి. మనిషి సక్సెస్ అతని టాలెంట్, కష్టం, కృషి మాత్రమే నిరూపిస్తాయి. ఖచ్చితంగా నేను సక్సెస్ సాధిస్తాను. సినిమాను ఆదరించాలని కోరుతున్నా’నని అన్నారు.
దర్శకుడు రవికాంత్ పేరేపు మాట్లాడుతూ.. ‘సినిమా ఆద్యంతం ప్రేమ, గౌరవం అనే కాన్సెప్ట్ పై తిరుగుతుంది. రోషన్, మానస చక్కగా నటించారు. మీరు పెట్టిన నమ్మకమే సినిమా ఇంత బాగా వచ్చింది. ప్రేక్షకులకు సినిమా ఎమోషనల్ గా కనెక్ట్ అవుతుంద’ని అన్నారు.
చిత్ర సమర్పకులు విశ్వప్రసాద్ మాట్లాడుతూ.. ‘ఏడాది క్రితం రోషన్ ను చూశాను. బయట ఎంత సాఫ్ట్ గా కనిపించాడో తెర మీద అంతగా తన నటనతో అదరగొట్టాడు. తన ఫ్యామిలీలోనే నటన ఉంది. అదే రోషన్ కు వచ్చింది. సినిమా సక్సెస్ కావాలని కోరుకుంటున్నా’నని అన్నారు
అతిధిలుగా విచ్చేసిన
విశ్వక్ సేన్ (Vishwak sen) మాట్లాడుతూ.. ‘రోషన్ చాలా లక్కీ పర్సన్. అందరి హీరోల అభిమానులు రోషన్ సక్సెస్ ను కోరుకుంటారు. సినిమా విజయవంతం కావాలని కోరుకుంటున్నా. కుటుంబం పేరు రోషన్ నిలబెడతాడ’ని అన్నారు.
సిద్ధు జొన్నలగడ్డ (Sidhu Jonnalagadda) మాట్లాడుతూ.. ‘రవికాంత్ పేరేపు మంచి అభిరుచి ఉన్న దర్శకుడు. రోషన్ లో మంచి కమర్షియల్ హీరో కనిపిస్తున్నాడు. డైలాగ్స్ కూడా పర్ఫెక్ట్ గా చెప్తున్నాడు. బబుల్ గమ్ టైటిల్ కు తగ్గట్టుగానే ప్రేక్షకులకు అతుక్కుపోవాలని కోరుకుంటున్నా’నని అన్నారు.
అడివి శేష్ (Adivi Sesh) మాట్లాడుతూ.. ‘బబుల్ గమ్ సినిమా ఖచ్చితంగా మంచి సినిమా అవుతుంది. నేనే పని చేసిన టెక్నీషియన్ చాలామంది సినిమాకు పని చేశారు. ఇది మా ఫ్యామిలీ సినిమా. ప్రేక్షకులు సినిమాను ఆదరించాలని కోరుకుంటున్నా. మనసులో గట్టిగా కోరుకుంటే ఏదైనా సాధించగలమనే కాన్సెప్ట్ తో తెరకెక్కిన సినిమా విజయవంతం కావాలని కోరుకుంటున్నా’నని అన్నారు.