ఆంధ్రపదేశ్ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి, అక్రమాస్తుల కేసులో ఆరోపణలు ఎదుర్కొంటున్న సంగతి తెలిసిందే. ప్రస్తుతం ఆయన బెయిల్ మీద వున్నారు.. ఇదీ తెలిసిన విషయమే. అయితే, ఈ బెయిల్ మీద జీవితం ఎన్నాళ్ళు.? అన్నదే మిలియన్ డాలర్ల ప్రశ్న.
‘దిన దిన గండం.. నూరేళ్ళ ఆయుష్షు’ అన్న చందాన ఎప్పటికప్పుడు బెయిల రద్దు భయాలు వైసీపీ అధినేతను వెంటాడుతున్నాయన్నది రాజకీయ ప్రత్యర్థుల విమర్శ. ఇదిలా వుంటే, అతి త్వరలో వైఎస్ జగన్ బెయిల్ రద్దు కాబోతోందంటూ సంచలన వ్యాఖ్యలు చేశారు బీజేపీ సీనియర్ నేత సునీల్ దేవధర్. నిజానికి, ఇది కొత్త మాట కాదు.. పాట మాటే. తరచూ వినిపిస్తోన్న మాటే.
బీజేపీనే కాదు, టీడీపీ నేతలూ.. పదే పదే ఇదే మాట చెబుతుంటారు. అయితే, తిరుపతి ఉప ఎన్నికల వేళ, ఇంకాస్త గట్టిగా ఈ మాట విన్పిస్తోందంతే. అక్రమాస్తుల కేసు విచారణ కొనసాగుతోంది. ప్రతి శుక్రవారం ముఖ్యమంత్రి వైఎస్ జగన్ సహా, వైసీపీ జాతీయ ప్రధాన కార్యదర్శి విజయసాయిరెడ్డి కూడా కోర్టు విచారణకు హాజరు కావాల్సి వుంటుంది. కానీ, ‘ప్రత్యేక కుంటి సాకులు’ చూపిస్తూ, విచారణకు హాజరు కాకుండా ఎగ్గొడుతున్నారనే విమర్శలు లేకపోలేదు.
ఇక, బెయిల్ గనుక రద్దయితే.. వైసీపీ పరిస్తితేంటి.? వైసీపీ ప్రభుత్వం పరిస్థితేంటి.? ఆ మధ్య, పెద్దిరెడ్డి రామచంద్రారెడ్డి ముఖ్యమంత్రి పదవిపై కన్నేశారనే ప్రచారం జరిగింది. బొత్స సత్యనారాయణ కూడా రేసులో వున్నారంటూ ఊహాగానాలు వినిపిస్తున్నాయి. మళ్ళీ విజయమ్మను రంగంలోకి దించొచ్చనే ప్రచారమూ జరుగుతోంది. షర్మిలకు అయితే ఛాన్స్ లేదు. మరోపక్క, జగన్ సతీమణి భారతి పేరు కూడా ప్రచారంలోకి వస్తోంది.
అయితే, ఈసారి వైఎస్ జగన్ జైలుకు వెళ్ళాల్సి వస్తే.. వైసీపీ తన ఉనికిని కాపాడుకోవడం కష్టమేనన్నది రాజకీయ విశ్లేషకుల భావన. అయినా, కేంద్రంతో సత్సంబంధాలున్నాయని చెప్పుకుంటోన్న వైసీపీ.. కేంద్రానికి అన్ని విధాలా సహకరిస్తోన్న వైసీపీ.. ఈ బెయిల్ రద్దు, అరెస్టు ముప్పు నుంచి తప్పించుకోలేదంటే.. నమ్మేంత అమాయకులు ఎవరున్నారని.?
276131 684077Currently actually do not stop eating because there is however the decision that you will transform into. Function from your home us rrs often a fad for that who wants to earn dollars however still enough time requires most substantial occasions employing children and kids goes for as the modern habit. attract abundance 579400