వైసీపీ హయాంలో వాలంటీర్ వ్యవస్థ తెరపైకొచ్చిన సంగతి తెలిసిందే. ‘గతంలో జన్మభూమి కమిటీలు.. ఇప్పుడేమో వాలంటీర్ వ్యవస్థ.. ఏ రాయి అయితేనే, పళ్ళూడగొట్టుకోవడానికి.. దోపిడీకి ఇదో అడ్డదారి..’ అనే విమర్శలు గత కొంతకాలంగా వినిపిస్తున్నాయి. ఇవి ఉత్త విమర్శలేనా.? ఈ విమర్శల్లో వాస్తవం వుందా.? అన్నదానిపై భిన్న వాదనలు మామూలే.
ఎన్నికల వేళ వాలంటీర్ వ్యవస్థ అధికార వైసీపీకి చాలా బాగా ఉపయోగపడుతోందన్నది నిర్వివాదాంశం. వాలంటీర్లను అధికార పార్టీ నేతలు బెదిరిస్తున్నారు.. ‘మీ పరిధిలో మీరు ఓటర్లతో వైసీపీకి అనుకూలంగా ఓటెయ్యించాల్సిందే.. లేదంటే, ఉద్యోగాలు ఊడిపోతాయ్..’ అని నేతలు, వాలంటీర్లను బెదిరిస్తున్న ఆడియో, వీడియో టేపులు సోషల్ మీడియాలో లీకవుతున్న విషయం విదితమే.
‘మన పార్టీ కార్యకర్తలకే 90 శాతం వాలంటీర్ పోస్టులు ఇచ్చుకున్నాం..’ అని వైసీపీ ముఖ్య నేత బాహాటంగానే ప్రకటించుకున్నాక.. ఈ వాలంటీర్ వ్యవస్థని ‘వైసీపీ వాలంటీర్లు’ అంటే అది తప్పెలా అవుతుంది.? ఇక, ఈ వాలంటీర్ వ్యవస్థ కోసం నెలకు 310 కోట్ల రూపాయల ప్రజాధనాన్ని రాష్ట్ర ప్రభుత్వం దుర్వినియోగం చేస్తోందంటూ సంచలన ఆరోపణలు చేశారు బీజేపీ ఏపీ అధ్యక్షుడు సోము వీర్రాజు. ఇప్పటికి తెల్లారినట్టుంది ఏపీ బీజేపీకి. అది కూడా తిరుపతి ఉప ఎన్నికల వేళ, ‘తత్వం’ బోధపడిందేమో.. బీజేపీ.. వైసీపీ మీద గట్టిగా ‘ఏసుకుంటోంది’ అన్న విమర్శలు సర్వత్రా వినిపిస్తున్నాయి.
‘కేంద్రం ఇచ్చే నిధులతో రాష్ట్రం పబ్లసిటీ స్టంట్లు చేస్తోంది..’ అంటోన్న బీజేపీ, మరెందుకు వాలంటీర్ వ్యవస్థ విషయంలో జోక్యం చేసుకోవడంలేదట.? ‘నేను కొట్టినట్టు నటిస్తాను.. నువ్వు దెబ్బ తగిలినట్లు, ఏడ్చినట్లు నటించు..’ అన్నాడట వెనకటికి ఒకడు. అలా వుంది వైసీపీ – బీజేపీ తీరు.
488119 334665I believe this web site has some genuinely excellent data for every person : D. 646893
305079 259915Paper rolls really great read you know alot about this topic i see! 931954
504060 859113stays on subject and states valid points. Thank you. 835272