గ్లోబల్ స్టార్ రామ్ చరణ్ (RamCharan)- శంకర్ (Shankar)కాంబినేషన్లో తెరకెక్కుతున్న చిత్రం ‘గేమ్ చేంజర్’. ఈ సినిమా మొదలై చాలా రోజులవుతున్నా టైటిల్ అనౌన్స్మెంట్ మినహా దీని నుంచి ఎలాంటి అప్డేట్స్ రాలేదు. దీంతో దీపావళి కానుకగా ఈ సినిమా నుంచి ‘జరగండి’ అనే ఫస్ట్ సింగిల్ ని విడుదల చేయనున్నట్లు ఇదివరకే మూవీ టీం ప్రకటించింది. ఇందుకు సంబంధించి పోస్టర్ ని కూడా విడుదల చేసింది. దీంతో మెగా అభిమానులు ఫుల్ ఖుషి అయ్యారు. అయితే కొన్ని అనివార్య కారణాలవల్ల ఆ సాంగ్ విడుదలను వాయిదా వేస్తున్నట్టు సోషల్ మీడియా వేదికగా చిత్ర బృందం వెల్లడించింది. ఈ సాంగ్ కి సంబంధించిన వర్క్ పూర్తి కాకపోవడంతో మేకర్స్ ఈ నిర్ణయం తీసుకున్నట్లు తెలిపింది. త్వరలోనే దీనిపై అప్డేట్ ఇస్తామని చెప్పింది.
అయితే, సోషల్ మీడియాలో ఈ పాటకి సంబంధించి ట్యూన్లు, లిరిక్స్ లీక్ అయ్యాయి. దీనిపై ట్రోల్స్ కూడా వచ్చాయి. దీంతో సింగర్ ని మార్చి ఈ పాటని రీ రికార్డింగ్ చేస్తున్నట్లు సోషల్ మీడియాలో చర్చ జరుగుతోంది. ఈ సినిమాకి తమన్ (Thaman) మ్యూజిక్ అందిస్తున్నారు. కియారా అద్వానీ (Kiara Advani) కథానాయిక. ఇప్పటికే 60 శాతం షూటింగ్ పూర్తి చేసుకున్న ఈ సినిమాని వచ్చే ఏడాది దసరాకి విడుదల చేసేందుకు మేకర్స్ సన్నాహాలు చేస్తున్నారు.