ఆయుర్వేద చీరలు వచ్చేశాయి

సాంకేతిక రంగం ఏ స్థాయిలో అభివృద్ది చెందుతోందో ఆయుర్వేదంను కూడా అదే స్థాయిలో అభివృద్ది చేసేందుకు ఆయా రంగాల నిపుణులు ప్రయత్నాలు చేస్తున్నారు. చేనేత రంగంను అభివృద్ది పర్చేందుకు దేశ వ్యాప్తంగా ఎన్నో విప్లవాత్మక మార్పులు తీసుకు వస్తున్నారు. కొత్త కొత్త మోడల్స్‌లో డ్రస్‌లను మరియు చీరలను తీసుకు రావడంతో పాటు సరికొత్త విధానంలో చీరలు నేస్తున్నారు. ఇప్పుడు ఏకంగా ఆయుర్వేదిక్‌ చీరలు వస్తున్నాయి. సుగంధ ద్రవ్యాలను ఉపయోగించి చీరలు నేస్తున్నారు.

మహారాష్ట్రకు చెందిన చేనేత పరిశ్రమ వారు ఈ విధానంలో చీరలు నేస్తున్నారు. యాలకులు, దాల్చిన చెక్క, మిరియాలు, వాము, జాపత్రి ఇంకా పలు రకాల ఆయుర్వేద ఔషద దినుషులను ఉపయోగించి వాటితో ఔషద చీరలు తయారు చేస్తున్నారు. వాటిని ధరించిన వారికి అనారోగ్య సమస్యలు సగం వరకు దరి చేరవు అంటున్నారు.

చర్మ సంబంధిత సమస్యలు తొలగి పోవడంతో పాటు పలు అనారోగ్య సమస్యలు కూడా దూరం అవుతాయని వారు చెబుతున్నారు. దేశ వ్యాప్తంగా ఈ చీరలకు మంచి డిమాండ్‌ ఉందని చెబుతున్నారు. సుగంద ద్రవ్యాలను 48 గంటలు నానబెట్టి ఆ తర్వాత ఆ నీటిని ఆవిరిగా మార్చి దాన్ని చీరకు పట్టించడం చేస్తారు.

ఈ పద్దతిలో ఒక్క చీరను చేసేందుకు ఆరు రోజులు పడుతుందట. ప్రస్తుతం దేశంలో 36 కేంద్రాల్లో ఈ చీరలను విక్రయిస్తున్నారు. కాస్త రేటు ఎక్కువ అయినా ఎన్నో ప్రయోజనాలు ఉన్న ఈ చీరలకు మంచి డిమాండ్‌ ఉంది.