2019 ఎన్నికల్లో తనకు నర్సాపురం లోక్ సభ టిక్కెట్ ఇచ్చిన, తన గెలుపుకు కారణమైన.. యువజన శ్రామిక రైతు కాంగ్రెస్ పార్ట అధినేత వైఎస్ జగన్ మోహన్ రెడ్డి మీద పోరాటం చేస్తున్నారు రఘురామకృష్ణరాజు. ఆషామాషీ వ్యవహారం కాదిది. ప్రస్తుతం వైఎస్ జగన్ ముఖ్యమంత్రి స్థానంలో వున్నారు. బోల్డంత పవర్ జగన్ సొంతం ఇప్పుడు. ముఖ్యమంత్రిని ఓ ఎంపీ ఢీ కొట్టడం అంటే ప్రస్తుత పరిస్థితుల్లో సాధ్యమయ్యే పని కాదు.
ఇంగ్లీషు మాధ్యమం విషయంలోనూ, అమరావతి విషయంలోనూ, రాష్ట్రంలో దేవాలయాల మీద జరిగిన దాడుల విషయంలోనూ.. ఇలా చెప్పుకుంటూ పోతే చాలా అంశాలపై రఘురామ, సొంత ప్రభుత్వంపై విమర్శలు చేస్తూ వచ్చారు. ఈ క్రమంలో ఆయన మీద రాజద్రోహం కింద కేసులు నమోదవడం, ఆయన్ని ఏపీ సీఐడీ అరెస్ట్ చేయడం తెలిసిన విషయాలే.
ఇప్పటిదాకా ఓ యెత్తు.. ఇకపై ఇంకో యెత్తు. రఘురామ ప్రస్తుతం పోరాటాన్ని జాతీయ స్థాయికి తీసుకెళ్ళారు. ‘ఆర్టికల్ 124 ఎ’ని రద్దు చేయాలన్నది రఘురామ డిమాండ్. వివిధ రాష్ట్రాల ముఖ్యమంత్రులకు (ఒక్క ఏపీ ముఖ్యమంత్రి వైఎస్ జగన్ మోహన్ రెడ్డికి తప్ప) ఈ విషయమై లేఖలు రాస్తున్న రఘురామ, ఆయా రాష్ట్రాల్లోని అసెంబ్లీల్లో ఈ సెక్షన్ రద్దుపై తీర్మానం చేయాలని కోరుతున్నారు.
మరోపక్క, తన మీద ఏపీ సీఐడీ అత్యంత హేయంగా థర్డ్ డిగ్రీ టార్చర్ ప్రయోగించిందని ఆరోపిస్తున్న రఘురామ, ఆ అంశాన్ని కూడా జాతీయ స్థాయిలో చర్చనీయాంశం చేయగలిగారు. రఘురామ మీద వైసీపీ ప్రభుత్వం అక్కసు.. అనేది వేరే చర్చ. ‘సెక్షన్ 124 ఎ’ ఎత్తివేయడం అన్నది అంత ఆషామాషీ వ్యవహారం కాదు. గతంలో పలు న్యాయస్థానాలు ఈ సెక్షన్ విషయమై కీలక వ్యాఖ్యలు చేసినా, పలువురు రాజకీయ ప్రముఖులు, ప్రజాస్వామ్యవాదులు గళమెత్తినా.. ఆ తర్వాత అవన్నీ సద్దుమణిగిపోయాయి.
కానీ, ఈ మధ్యకాలంలో చాలా విరివిగా ప్రభుత్వాలు రాజద్రోహం కింద కేసులు నమోదు చేసేస్తున్న దరిమిలా, ఈ అంశం అత్యంత కీలకమైన చర్చనీయాంశంగా మారుతోంది. రేప్పొద్దున్న పార్లమెంటులో ఇదే అంశం చర్చనీయాంశమైతే, తన మీద ఏపీ ప్రభుత్వం దాడి చేసిందంటూ తన వాదనను రఘురామ సమర్థవంతంగా వినిపించేందుకు ఆస్కారమేర్పడుతుంది.
178137 372699Thank you a good deal for sharing this with all individuals you actually recognize what you are speaking about! Bookmarked. Please in addition speak over with my web site =). We could have a hyperlink alternate arrangement among us! 416053
377275 372438I discovered your internet site website on google and check a couple of your early posts. Preserve within the top notch operate. I just extra up your Feed to my MSN News Reader. Looking for toward reading far more of your stuff afterwards! 847524
742067 434519yourselfm as burning with excitement along accumulative concentrating. alter ego was rather apocalyptic by the mated ethical self went up to. Its punk up to closed ego dispirited. All respecting those topics are movables her ought to discover no end touching unpronounced. Thanks so a lot! 266223