యాంకర్ గా బుల్లితెరపై తనదైన స్టార్ ఇమేజ్ తో దూకుపోతుంది అనసూయ. యాంకర్ గా అనసూయ స్ట్రాటజీ వేరు.. ఓ వైపు చలాకీతనం.. మరోవైపు గ్లామర్ ఈ రెండు ఆయుధాలతో ఇప్పుడు యాంకర్లందరిలో టాప్ యాంకర్ గా క్రేజ్ తెచ్చుకుంది. అనసూయ కేవలం టీవీకే పరిమితం కాకుండా నచ్చిన పాత్రల్లో రాణిస్తూ అటు సినిమాల్లోనూ తనదైన సత్తా చాటుతుంది. గత ఏడాది రామ్ చరణ్ హీరోగా వచ్చిన రంగస్థలంలో రంగమ్మత పాత్రలో నటించి మంచి మార్కులే కొట్టేసింది.
రెగ్యులర్ తరహా పాత్రలు కాకుండా భిన్నమైన పాత్రలకోసం ఎదురు చూస్తున్న ఈ అమ్మడికి తాజాగా మెగా ఛాన్స్ దక్కింది? మెగాస్టార్ సినిమాలో నటించాలని ఎవరికి ఉండదు చెప్పండి. అలా ఇన్నాళ్లకు అనసూయ కల నిజమౌతుంది. ఆ వివరాల్లోకి వెళితే ప్రస్తుతం సైరా సినిమాలో నటిస్తున్న చిరంజీవి, మే చివరినుండి కొరటాల శివ దర్శకత్వంలో నటించే సినిమా మొదలు కానుంది. ఇప్పటికే ప్రీ ప్రొడక్షన్ పనులు పూర్తి చేసుకున్న ఈ సినిమాలో అనసూయ ఓ కీ రోల్ పోషిస్తుందట!! ఆ పాత్ర ఏమిటన్నది ప్రస్తుతానికి సస్పెన్స్. దాంతో పాటు అల్లు అర్జున్ హీరోగా సుకుమార్ దర్శకత్వంలో తెరకెక్కే సినిమాలో కూడా అనసూయ కీ రోల్ పోషించనుందట! మొత్తానికి రెండు మెగా ఆఫర్స్ ని అందిపుచ్చుకుందన్నమాట.
ఇప్పటికే అనసూయ కథనం, సచ్చిందిరా గొర్రె చిత్రాల్లో నటిస్తుంది. ఆ మధ్య క్షణం సినిమాలో భిన్నమైన పాత్ర పోషించి మంచి నటిగా ఇమేజ్ తెచ్చుకున్న ఈమె ఈ రెండు సినిమాలపై చాలా ఆశలు పెట్టుకుంది. ఇప్పటికే షూటింగ్ పూర్తి కావొచ్చిన ఈ సినిమాలు త్వరలోనే విడుదల కానున్నాయి. ఇక ఒకేసారి రెండు మెగా ఛాన్స్ దక్కించుకున్న అనసూయకు అటు తమిళంలో కూడా చాలా ఆఫర్స్ వస్తున్నాయట. అయితే అటు యాంకరింగ్, ఇటు సినిమా చేయడం సెట్ కావడం లేదు కాబట్టి తమిళ సినిమాలకు నో చెబుతుందట.