తెలుగు సినీ పరిశ్రమలో మెగా ఫ్యామిలీ ప్రాముఖ్యత వేరు. దేశంలో మరే సినీ కుటుంబం నుంచి కూడా ఉండనంత హీరోలు, నటీనటులు ఉండటం మెగా ఫ్యామిలీ ప్రత్యేకత. అయితే.. ఈమధ్య మెగా ఫ్యామిలీలో విబేధాలు వచ్చాయని.. కొణిదెల, అల్లు కుటుంబాల మధ్య గ్యాప్ వచ్చిందని అనేక రూమర్లు వస్తున్నాయి. వీటిపై నిర్మాత అల్లు అరవింద్ స్పందించారు. తమ కుటుంబం అంతా ఒక్కటిగానే ఉందని ఓ మీడియాకు ఇచ్చిన ఇంటర్వ్యూలో వెల్లడించారు.
మమ్మల్ని టార్గెట్ చేయడం తేలిక..
‘చిరంజీవి గారి కుటుంబంతో మా అనుబంధంలో ఏ మార్పూ లేదు. ఇరు కుటుంబాల్లో ఏ ఫంక్షన్ జరిగినా.. పండుగల సందర్భంలోనైనా అందరం కలుస్తాం. పిల్లలు పెద్దవాళ్లయ్యారు. ఎవరికి వారు సొంతంగా కెరీర్లో రాణిస్తున్నారు. అన్ని సందర్భాల్లో కలవడం ఒక్కోసారి సాధ్యం కాదు. దీంతో ఇటువంటి రూమర్లు వస్తున్నాయి. క్రేజ్ ఉన్న కుటుంబంపైనే ఇటువంటి గాసిప్స్ వస్తాయి. ఒక స్తంభం, కొండలో దేనిని కొట్టాలంటే కొండనే కొడతారు. తేలిగ్గా తగులుతుందని. ఇవీ అంతే’ అని అరవింద్ వాటిని కొట్టిపారేశారు’.
బంధుత్వానికి మించి స్నేహం..
‘చిరంజీవితో అనుబంధం గురించి మాట్లాడుతూ.. బంధుత్వానికి ముందే చిరంజీవి గారితో పరిచయం ఉంది. సురేఖతో పెళ్లి సంబంధమై మొదట మా అమ్మగారు ఇంట్లో ఈ ప్రస్తావన తీసుకొచ్చారు. అప్పటికి రెండేళ్ల తర్వాత పెళ్లి చేసుకునే ఆలోచనలో చిరంజీవి ఉన్నారు. కానీ.. సంబంధం కుదిరి పెళ్లి చేసుకున్నారు. మొదటి రెండేళ్లు చిరంజీవి గారితో బావాబావరిది రిలేషనే ఉండేది. తర్వాత మా ఇద్దరి మధ్య స్నేహం కుదిరింది. సినిమాలు, కుటుంబ విషయాలు పంచుకుంటూ బంధుత్వానికి మించి సాన్నిహిత్యం ఏర్పడింది’.
రాజకీయాల్లో అవే బాధించాయి..
‘రాజకీయాల్లో అనేక సంఘటనలు బాధపెట్టాయి. ఉత్తరాంధ్ర నుంచి ఓ నాయకుడు వచ్చి చిరంజీవి గారిని కలిసేందుకు తపించిపోయాడు. నన్ను చిరంజీవి గారితో కలిపించమని ప్రాధేయపడ్డాడు. తర్వాత అదే వ్యక్తి బయటకెళ్లిపోయి పార్టీని దూషించి చిరంజీవిపై వ్యక్తిగత విమర్శలు చేశాడు. ఇలాంటివాళ్లు రాజకీయాల్లో ఉంటారా అని బాధపడ్డారు చిరంజీవి’ అని వెల్లడించారు.
758763 802979Thank you for every other informative internet site. Where else could I get that type of info written in such a perfect indicates? Ive a mission that Im just now operating on, and Ive been at the appear out for such information. 69521
31355 770045 You need to take part in a contest for among the best blogs on the web. I will recommend this website! 743883