మంత్రి పదవిపై ఎన్నో ఆశలు పెట్టుకుని, వైఎస్సార్ కాంగ్రెస్ పార్టీలో చేరిన సినీ నటుడు అలీ అనుకున్న ‘పదవి’ని సాధించలేకపోయిన మాట వాస్తవం. ‘మంత్రి పదవి హామీతోనే వైఎస్సార్సీపీలో చేరారా.?’ అన్న ప్రశ్నకు ‘కాదు’ అని సమాధానమివ్వలేకపోయిన అలీ, అప్పట్లో మీడియాని ఈ విషయంలో ఫేస్ చేయడానికి పడ్డ ఇబ్బందులు అన్నీ ఇన్నీ కావు. చాలాకాలం టీడీపీతో కలిసి పనిచేసిన అలీ, ఆ తర్వాత వైఎస్ రాజశేఖర్రెడ్డి తరఫున వకాల్తా పుచ్చుకున్నారు కొంతకాలం. తిరిగి చంద్రబాబు పంచన చేరారు. జనసేన పార్టీ వైపు కూడా అడుగులు వేసి, తనక్కావాల్సినవారికి టిక్కెట్లు ఇప్పించుకున్న అలీ, అందర్నీ ఆశ్చర్యపరుస్తూ పవన్కి షాకిచ్చి, వైఎస్సార్సీపీలో చేరారు.
అయితే, తనకు మంత్రి పదవి దక్కకపోవడంతో అలీ కొంత డైలమాలో పడిపోయారట. ఇప్పుడున్న పరిస్థితుల్లో వైఎస్సార్ కాంగ్రెస్ పార్టీని వీడేందుకు అలీ సాహసించకపోవచ్చు. ఎందుకంటే, ఆంధ్రప్రదేశ్లో బంపర్ మెజార్టీతో వైఎస్సార్ కాంగ్రెస్ పార్టీ అధికారంలోకి వచ్చింది. ఆ పార్టీతో కొంత సఖ్యతగా వుంటే తనకు ఎంతో కొంత లాభం తప్ప, మంత్రి పదవి దక్కలేదన్న ‘అక్కసు’ చూపిస్తే, దానివల్ల ప్రయోజనం వుండదని అలీకి బాగా తెలుసు. ఇలాంటి ‘కమర్షియల్’ ఆలోచనల విషయంలో అలీకి సాటి ఇంకెవరూ రారంటారు కొందరు సినీ జనాలు.
అయితే, పవన్కళ్యాణ్తో వున్న స్నేహాన్ని అలీ తెగతెంపులు చేసుకోవడం మాత్రం, నైతికంగా అలీకి పెద్ద దెబ్బ. ఎన్నికల ప్రచార సమయంలో పవన్కళ్యాణ్, అలీ తనను వెన్ను పోటు పొడిచిన వైనం గురించి మాట్లాడితే, అలీ దానికి గట్టిగా కౌంటర్ ఇచ్చే ప్రయత్నమైతే చేశాడుగానీ.. అది అలీ మనసులోంచి వచ్చిన మాట కాదు. పార్టీ అధిష్టానం ఒత్తిడితో అలీ, పవన్కి వ్యతిరేకంగా మాట్లాడాల్సి వచ్చిందనేది చాలామంది చెప్పే మాట.
అలీ మాత్రమే కాదు, సినీ నటి.. నగిరి ఎమ్మెల్యే రోజా పరిస్థితి కూడా ఇప్పుడు రాజకీయాల్లో అగమ్య గోచరంగా తయారైంది. అలీ, ఎన్నికల్లో పోటీ చేయలేదు గనుక.. సినిమాల్లో యాక్టివ్గా వున్నాడు గనుక, కాస్తో కూస్తో అలీ పరిస్థితే బెటర్. రోజా పరిస్థితి మరీ దారుణం. ‘రోజాకే మంత్రి పదవి ఇవ్వలేదు.. మీకెలా ఆ పదవి వస్తుందని ఆశిస్తారు?’ అని వైసీపీకి చెందిన ముఖ్య నేత ఒకరు అలీ వద్ద వ్యాఖ్యానించేసరికి, అలీ షాకయ్యారంటూ వైసీపీ వర్గాల నుంచి ఓ లీక్ బయటకొచ్చింది. అదే నిజమైతే, వైసీపీలో ప్రస్తుతం అలీ పరిస్థితి ఎంత కామెడీ అయిపోయిందో అర్థం చేసుకోవడం పెద్ద కష్టమేమీ కాదు.
Related Posts
జగన్కి వ్యతిరేకంగా ‘స్కెచ్’ రెడీ చేస్తున్న మోడీ
సీఎం జగన్కి తొలి షాక్: బాబు, మోడీ ఒక్కటయ్యారా?
383713 809570Now we know who the ssebnile 1 is here. Excellent post! 62250
452796 92542I visited a great deal of internet site but I conceive this one contains something unique in it in it 702996
228767 850840There is noticeably a bundle to learn about this. I assume you made positive great points in functions also. 70605