ఆంధ్రపదేశ్ రాష్ట్ర ప్రజలకు ప్రభుత్వ పెద్దలు ఏం సంకేతాలు పంపుతున్నట్టు.? రోజుకి 20 వేలకు పైబడిన సంఖ్యలో కరోనా పాజిటివ్ కేసులు రాష్ట్రంలో నమోదవుతోంటే, ‘సిట్యుయేషన్ అండర్ కంట్రోల్..’ అన్నట్టుగా ప్రభుత్వ సలహాదారు సజ్జల రామకృష్ణారెడ్డి ప్రకటించడాన్ని ఎలా అర్థం చేసుకోవాలి.? ఇతర రాష్ట్రాలతో పోల్చితే, కరోనాపై పోరులో ఏపీ ముందంజలో వుందని సెలవిచ్చారు సజ్జల. అంటే, మహారాష్ట్రతోనూ, కర్నాటకతోనూ ఆంధ్రపదేశ్ రాష్ట్రాన్ని సజ్జల పోల్చదలచుకున్నారా.? ఆయన ఉద్దేశ్యం. సిట్యుయేషన్ అండర్ కంట్రోల్.. అని చెప్పడమేనా.?
పరిస్థితి చెయ్యిదాటిపోవడంతో, 18 గంటల కర్ఫ్యూ విధించింది ఆంధ్రపదేశ్ ప్రభుత్వం. ఇది రాష్ట్రంలో కరోనా తీవ్రతను చెప్పకనే చెబుతోంది. ఒక్క రోజులో 84 మంది కరోనా వైరస్ బారిన పడి ప్రాణాలు కోల్పోతే, ‘సిట్యుయేషన్ అండర్ కంట్రోల్’ అని ప్రభుత్వ పెద్దలు ఎలా ప్రకటించగలుగుతారు.? ఇదిగో, ఇలాంటి ప్రకటన వల్లనే, ఆంధ్రపదేశ్ ప్రజల్లో కొంత అలసత్వం చోటు చేసుకుంది. అదే ఇప్పుడు రాష్ట్రంలో కరోనా మహమ్మారి ఇంతలా విరుచుకుపడటానికి కారణమయ్యింది.
కరోనా సెకెండ్ వేవ్ తీవ్రతను ముందే అంచనా వేయగలిగిన తెలంగాణ ప్రభుత్వం, అత్యంత చాకచక్యంగా తొలుత విద్యా సంస్థల్ని మూసివేస్తూ నిర్ణయం తీసుకుంది. నైట్ కర్ఫ్యూ విధించడంలో అయినా, కరోనా పట్ల ప్రజల్లో అవగాహన కల్పించడంలో అయినా, ప్రజల్ని చైతన్యవంతుల్ని చేయడంలో అయినా, తెలంగాణ ప్రభుత్వం అత్యంత బాధ్యతాయుతంగా వ్యవహరించింది. అందుకే, తెలంగాణలో కరోనా పాజిటివ్ కేసుల సంఖ్య ప్రస్తుతం అదుపులో వుంది.
ఒకానొక దశలో రోజువారీ కేసులు 10 వేలు దాటినా, ఆ తర్వాత క్రమగా కేసుల తీవ్రత తగ్గింది. పైగా, కరోనా అత్యంత తీవ్రంగా వున్న మహారాష్ట్రతో తెలంగాణ, సరిహద్దుని పంచుకుంటోంది. అయినాగానీ, తెలంగాణలో పరిస్థితి అదుపులోనే వుండడం గమనించాల్సిన విషయం. తెలంగాణలోనూ కరోనా వైద్య చికిత్స విషయమై సమస్యలున్నాయి. ఇక్కడా కరోనాతో ప్రాణాలు కోల్పోతున్నవారి సంఖ్య గణనీయంగానే వుంది.
కానీ, ఆంధ్రపదేశ్ స్థాయిలో కాదు. తెలంగాణ నుంచి ఆంధ్రపదేశ్ రాష్ట్రానికి వెళ్ళి వైద్య చికిత్స తీసుకుంటున్నవారి సంఖ్య చాలా చాలా తక్కువ. అదే ఆంధ్రపదేశ్ నుంచి తెలంగాణకు వైద్య చికిత్స నిమిత్తం వస్తున్నవారి సంఖ్య చాలా చాలా ఎక్కువ. ఏపీ నుంచి అధికార పార్టీ నేతలు కరోనా సోకగానే, తెలంగాణకు పరుగులు పెడుతున్నారు. ఇదీ ఆంధ్రపదేశ్ రాష్ట్రంలో కరోనా వైరస్ ‘సిట్యుయేషన్ అండర్ కంట్రోల్’ వైనం.
448972 714484There is noticeably a bundle to learn about this. I assume you made positive very good points in attributes also. 861477
574491 678585Rattling clean internet website , appreciate it for this post. 624419