తెలుగు ప్రజలకు ‘ఈనాడు’ పేపర్ వారి జీవనవిధానంలో ఓ అంతర్బాగం. దశాబ్దాలుగా ప్రజలకు వార్తలు చేరవేయడంలో ఈనాడును ఇప్పటికీ ఎవరూ బీట్ చేయలేదనేది వాస్తవం. సినిమా, ఫీచర్, స్పోర్ట్స్, వసుంధర, కిడ్స్, టాబ్లాయిడ్.. ఇలా ఈనాడు పెను విప్లవమే సృష్టించింది. ఇంతటి సంచలనాలు నమోదు చేసిన ఈనాడు ప్రస్తుతం గడ్డు కాలం ఎదుర్కొంటుందా.. అంటే అవుననే వార్తలే వస్తున్నాయి. ఈనాడుని మూసేసే ఆలోచనలో రామోజీ ఉన్నారని అంటున్నారు. ప్రత్యామ్నాయంగా డిజిటల్ ప్లాట్ ఫామ్ డెవలప్ చేయాలని మూడు నెలలుగా ఇందుకు తగిన ప్రణాళికలు రచిస్తున్నారని కూడా వార్తలు వస్తున్నాయి.
ఏడాది కాలంగా ఈనాడుకు పెద్ద దెబ్బే పడింది. ముఖ్యంగా ఏపీలో ప్రభుత్వం మారడం, సాక్షి పెరగడం, తెలంగాణలో నమస్తే తెలంగాణ.. వంటి పత్రికలు హవా చాటడం, రాజకీయ, ప్రభుత్వ యాడ్లు తగ్గిపోవడం, కరోనా పరిస్థితులు తోడవడం ఈనాడుకు కోలుకోలేని దెబ్బ వేశాయని పరిశీలకులు అంటున్నారు. రోజుకి 15లక్షల వరకూ ఉన్న సర్క్యులేషన్ ప్రస్తుతం 9లక్షలకు పడిపోయిందని అంటున్నారు. వ్యాపార కోణంలో ఆలోచించే ఉద్యోగుల తొలగింపు, జీతాల్లో కోత విధించారని అంటున్నారు. జిల్లా యూనిట్లు, ప్రింట్, పేపర్, మిషన్ నిర్వహణ ఖర్చులు పెరగడం వంటి అంశాలన్నింటినీ పరిగణలోకి తీసుకున్నారని సమాచారం. రూ.18 ఖర్చుతో ప్రింట్ అయ్యే పేపర్ మార్కెట్ లో రూ.6 కే అమ్ముతున్నారు. ఆదుకునే యాడ్లు లేకపోవడం వీరికి మైనస్. దీంతో ఇక ఆపేద్దామా అని EST (ఈనాడు స్టేటజిక్ టీమ్)లో ప్రస్తావించారట. అయితే.. రామోజీ నిర్ణయమే ఫైనల్ కానుంది.
పరిస్థితులు ఎలా ఉన్నా ఈనాడుకు ఉండే రీడర్స్ ఉండనే ఉంటారు. వారిని డిజిటల్ ప్లాట్ ఫామ్ కు అలవాటు చేయాలని భావిస్తున్నారట. వెబ్ ఎడిషన్ లో ఈనాడు నెట్, ఈ-పేపర్ సబ్ స్క్రిప్షన్స్ పది లక్షలకు పెంచడంపై కూడా దృష్టి సారించినట్టు సమాచారం. ప్రస్తుతం ఈనాడు.నెట్ కు రోజుకి దాదాపుగా యాభై లక్షల వ్యూస్ వస్తాయని ఓ అంచనా. ఈ పేపర్ ను కూడా ఇలానే అలవాటు చేసి సబ్ స్క్రిప్షన్స్, యాడ్స్ ద్వారా నడిపించాలని ఈనాడు పెద్దల అలోచన అని అంటున్నారు. ఇప్పటికే ఈటీవీ భారత్ ఉంది. మరి డిజిటల్ ప్లాట్ ఫామ్ లో కూడా తన హవా సాగిస్తుందో లేదో చూడాలి. ఈ వార్తలన్నింటిపై పూర్తి క్లారిటీ రావాల్సి ఉంది.
191001 285741I like this weblog so considerably, saved to my bookmarks . 656036
519252 31709Hello my family member! I wish to say that this post is amazing, great written and come with approximately all vital infos. I would like to see extra posts like this . 788749