‘ప్రపంచంలో చాలా దేశాలతో పోల్చితే భారతదేశం పరిస్థితి మెరుగ్గానే వుంది.. ఎవరూ ఆందోళన చెందాల్సిన పనిలేదు..’ కరోనా వైరస్ (కోవిడ్-19) విషయంలో కేంద్రం పదే పదే చెబుతున్న మాట ఇది. దేశంలో కరోనా పాజిటివ్ కేసుల సంఖ్య 3 లక్షలకు చేరుకుంది. నిన్న అత్యధికంగా.. అంటే, 10 వేలకు పైగా కేసులు.. (దాదాపుగా 11 వేల కేసులు) నమోదయ్యాయంటే పరిస్థితి తీవ్రతని అర్థం చేసుకోవచ్చు.
దేశంలో 130 కోట్ల మంది ప్రజలుంటే, అందులో ఇప్పుడు కరోనా వచ్చింది 3 లక్షల మందికి మాత్రమేనని లైట్ తీసుకునే పరిస్థితి వుందా.? ఛాన్సే లేదు. ‘ఢిల్లీ, హైద్రాబాద్, చెన్నయ్, ముంబై, కోల్కతా లాంటి నగరాల్లో కరోనా పాజిటివ్ కేసులు అధికారిక లెక్కల కంటే చాలా ఎక్కువ వుండొచ్చు.. అమెరికా స్థాయిలో మన దేశంలో పరీక్షలు జరిగితే, అమెరికా కంటే ఎక్కువ పాజిటివ్ కేసులు బయట పడేవి..’ అంటూ కొందరు నిపుణులు చెబుతున్న మాటలు.. అందర్నీ భయాందోళనలకు గురిచేస్తున్నాయి.
తక్కువ కేసులున్నప్పుడు కఠినంగా లాక్డౌన్ని అమలు చేసి.. కేసుల తీవ్రత పెరిగాక లాక్డౌన్ నుంచి సడలింపులు ఇచ్చేయడంపై మొదటి నుంచీ విమర్శలు వెల్లువెత్తుతున్న విషయం విదితమే. ఇంకోసారి లాక్డౌన్ని దేశంలో విధించే పరిస్థితే లేదు. ఇష్టం లేకపోయినా కరోనా వైరస్తో మనం సహజీవనం చేయాల్సిందే. ప్రభుత్వాలు మాటలు మాత్రమే చెబుతాయి.. ప్రజలే తమ ప్రాణాల పట్ల బాధ్యత తీసుకోవాల్సి వుందిప్పుడు.
ఒక్క రోజులో 11 వేల కేసులంటే చిన్న విషయం కాదు. ఇది రానున్న రోజుల్లో మరింత పెరగబోతోంది. ‘కమ్యూనిటీ ట్రాన్స్మిషన్’ లేదని కేంద్రం చెబుతున్నా, లింకులు లేకుండా నమోదవుతున్న కేసుల్ని చూస్తే వాస్తవ పరిస్థితి అర్థం చేసుకోవడం పెద్ద కష్టమేమీ కాదు. ఓ వైపు లాక్డౌన్ కారణంగా సగటు భారతీయుడు తీవ్ర ఆర్థిక సమస్యల్లోకి నెట్టివేయబడ్డాడు. ఇంత పెద్ద త్యాగం చేశాక ఇప్పుడేమో.. లాక్డౌన్ని ఎత్తేసి, కరోనా వైరస్తో సహజీవనం చేయమని ప్రభుత్వాలు చెబుతున్నాయి.
సాటి మనిషిని నమ్మలేని దుస్థితి దాపురించింది కరోనా కారణంగా. పాతాళానికి పడిపోయిన ఆర్థిక వ్యవస్థ ఇప్పట్లో కోలుకునే అవకాశమే కన్పించడంలేదు. దేశంలో నిరుద్యోగం విలయ తాండవం చేయబోతోంది. అయినా, కేంద్రం సహా రాష్ట్ర ప్రభుత్వాలు కూడా పబ్లిసిటీ స్టంట్స్కే పరిమితమవుతున్నాయి. కరెంటు బిల్లులు, పెట్రో బాదుడు.. ఇవి కరోనా కంటే దారుణంగా సామాన్యుడ్ని చిదిమేస్తుండడం అత్యంత బాధాకరమైన విషయం. ఒక్క ఢిల్లీలోనే రానున్న రోజుల్లో కరోనా వైరస్ కేసులు 5 లక్ష లనుంచి 10 లక్షల వరకు నమోదవనున్నాయనే వాదనలు తెరపైకొస్తున్నాయంటే.. దేశంలో కరోనా ఎన్ని కోట్ల మందికి వ్యాపిస్తుందో ఏమో.. తలచుకుంటేనే ‘లెక్కలు’ గుండెల్ని పిండేస్తాయ్ మరి.!
641238 810658I like this site extremely a lot so a lot superb information . 225461
2551 572872Some times its a pain inside the ass to read what men and women wrote but this internet website is really user friendly ! . 126308