రాహుల్‌ సిప్లిగంజ్‌, శ్రీముఖి.. బిగ్‌హౌస్‌లోకి రాకముందే మంచి స్నేహితులట. కానీ, ఆ స్నేహం కాస్తా బద్దలైపోయింది బిగ్‌ హౌస్‌ పుణ్యమా అని. తమ మధ్య తలెత్తిన చిన్న వివాదం కారణంగా శ్రీముఖి, పదే పదే రాహుల్‌ని అర్థం పర్థం లేకుండా నామినేట్‌ చేస్తూ వచ్చింది. ఎలాగోలా రాహుల్‌, శ్రీముఖితో గొడవని పరిష్కరించుకునేందుకు ప్రయత్నించినా.. ఫలితం దక్కలేదు.
తాజాగా మరోసారి శ్రీముఖి, రాహుల్‌ ఒకరి మీద ఒకరు గట్టిగా అరిచేసుకున్నారు. నామినేషన్‌ ప్రక్రియలో భాగంగా రెండో స్థానం దక్కించుకుని సేఫ్‌ అవుదామనుకున్న శ్రీముఖి, ఈ క్రమంలో రాహుల్‌ని బతిమాలుకోవాల్సి వచ్చింది. కానీ, ఇక్కడ శ్రీముఖి అహం ప్రదర్శించింది. నెంబర్‌ 2 పొజిషన్‌లో వున్న రాహుల్‌ని మెప్పించి, ఆ పొజిషన్‌ దక్కించుకునే అవకాశాన్ని పక్కన పెట్టి.. రాహుల్‌ని డామినేట్‌ చేయాలనుకుంది.
‘ఇప్పటిదాకా జరిగిన టాస్క్‌లలో నువ్వు ఇచ్చిన బెస్ట్‌ పెర్ఫామెన్స్‌ ఏంటో ఒక్కటి చెప్పు?’ అంటూ శ్రీముఖి నిలదీసింది. ‘నా సంగతి తర్వాత.. నేనున్న పొజిషన్‌ కావాలనుకుంటున్నావు కాబట్టి, నువ్వు చెప్పాలనుకున్నది చెప్పు..’ అంటూ రాహుల్‌ తొలుత మామూలుగానే చెప్పాడు. కానీ, శ్రీముఖి అందుకు ఒప్పుకోలేదు. రాహుల్‌ని పదే పదే కించపర్చేలా వ్యవహరించింది. రాహుల్‌ని ఎలా రెచ్చగొడితే అతను రెచ్చిపోతాడో, మాటలు తూలేస్తాడో శ్రీముఖికి బాగా తెలుసు. అయితే, రాహుల్‌ ఇక్కడ కాస్త తనను తాను కంట్రోల్‌ చేసుకోగలిగాడు.
కాస్సేపు మాటల యుద్ధం గట్టిగానే సాగినా, చివరికి శ్రీముఖి పప్పులుడకలేదు. చిత్రమేంటంటే, నెంబర్‌ వన్‌ బోర్డు దగ్గరున్న బాబా భాస్కర్‌, ఆ పొజిషన్‌ని శ్రీముఖికి ఇచ్చేస్తానని ముందే చెప్పాడు. సింపుల్‌గా బాబాని మెప్పించి, ఆ పొజిషన్‌ దక్కించుకునే అవకాశం వున్నా.. రాహుల్‌తో గొడవ పెట్టుకోవడం.. తద్వారా స్క్రీన్‌ స్పేస్‌ దక్కించుకోవడం.. అనే అతి తెలివితేటలే ప్రదర్శించి అభాసుపాలయ్యింది శ్రీముఖి.
461933 539694really great publish, i really really like this web web site, carry on it 742801
617482 30832Extremely instructive and great bodily structure of topic matter, now thats user pleasant (:. 249982