రాజమౌళి దర్శకత్వంలో జూనియర్‌ ఎన్టీఆర్, రామ్‌చరణ్‌ నటిస్తోన్న మల్టీస్టారర్‌ ‘ఆర్‌ఆర్‌ఆర్‌’కి సంబంధించి అధికారికంగా లుక్స్‌ రిలీజ్‌ అవడం సంగతెలా వున్నా, అభిమానులు మాత్రం తమకు తోచిన రీతిలో తమ తమ అభిమాన హీరోల లుక్స్‌ రెడీ చేయడంలో బిజీగా వున్నారు. ఈ లుక్స్‌ కూడా ఒరిజినల్‌ లుక్‌ అనే తరహాలో రూపొందుతున్నాయి. అలా బయటకొచ్చిందే పైన మీరు చూస్తున్న లుక్‌.
నిజానికి ఇది ‘జై లవకుశ’ టైమ్‌లోని యంగ్‌ టైగర్‌ లుక్‌. దాన్నే, కాస్త అటూ ఇటూగా మార్చి ‘ఆర్‌ఆర్‌ఆర్‌’ కొత్త లుక్‌ అంటూ అభిమానులు ప్రచారంలోకి తీసుకొచ్చారు. ఏమాటకామాటే చెప్పుకోవాలంటే, యంగ్‌ టైగర్‌ ఈ లుక్‌లో బీభత్సంగా వున్నాడు. ‘కొమరం భీమ్‌’ పాత్రలో యంగ్‌ టైగర్‌ నటిస్తోన్న విషయం విదితమే. ఆ పాత్రకు ఈ లుక్‌ సరిగ్గా సూటయిపోయింది.
ఇదే ఆఫీషియల్‌ లుక్‌.. అంటూ ప్రచారం కూడా చేసేస్తున్నారు సోషల్ మీడియాలో. ఇటీవలి కాలంలో ఇంత ఎక్కువగా సర్క్యులేట్‌ అయిన ఫ్యాన్ మేడ్‌ పోస్టర్‌ ఇదేనని యంగ్‌ టైగర్‌ అభిమానులు ఓ పక్క చెబుతున్నా, మరికొందరు మాత్రం.. అఫీషియల్‌ లుక్‌ అనే నమ్మేస్తుండడం గమనార్హం. యంగ్‌ టైగర్‌ ఎన్టీఆర్ లుక్స్‌ మాత్రమే కాదు, రామ్‌చరణ్‌ లుక్‌ని కూడా కూడా డిజైన్‌ చేసేసి, ప్రచారంలోకి తెచ్చేస్తున్నారు అభిమానులు.
Also Read: ‘సైరా’ కోసం ప్రభాస్, మహేష్‌, ఎన్టీఆర్.!
దాదాపు ఓ వంద వరకూ రామ్‌చరణ్‌ లుక్స్‌ ప్రచారంలో వున్నాయి. మిగతా పాత్రధారులు అలియా భట్‌, అజయ్‌ దేవగన్‌, సముద్ర ఖని తదితరుల్నీ అభిమానులు వదిలిపెట్టడంలేదు. ఒక్కోసారి ఈ ఫ్యాన్ మేడ్‌ పోస్టర్లు కూడా దర్శక నిర్మాతల ఆలోచల్ని సరికొత్త పంథా వైపు నడిపిస్తుంటాయనుకోండి.. అది వేరే విషయం.
ఇదిలా వుంటే, ప్రస్తుతం ‘ఆర్‌ఆర్‌ఆర్‌’ షూటింగ్‌ విదేశాల్లో జరుగుతోంది. ‘సైరా నరసింహారెడ్డి’ సినిమా పనుల కారణంగా జక్కన్న రాజమౌళి నుంచి కొంత వెసులుబాటు పొందాట రామ్‌చరణ్‌. యంగ్‌ టైగర్‌ మాత్రం తన పనిలో తాను బిజీగా వున్నాడు.
477373 397662Hey. Quite nice internet website!! Man .. Superb .. Amazing .. Ill bookmark this internet web site and take the feeds alsoI am happy to locate so considerably helpful information here within the post. Thanks for sharing 72473