‘ఆర్డిఎక్స్ లవ్’ సినిమా తర్వాత పాయల్ రాజ్పుట్, ‘ఆర్డిఎక్స్ లవ్’ అనే సినిమాతో ప్రేక్షకుల ముందుకు రాబోతోన్న విషయం విదితమే. మధ్యలో ‘సీత’ అనే సినిమా కోసం స్పెషల్ సాంగ్ చేసిందిగానీ, అది పెద్దగా పేలలేదు. ఓన్లీ ఎక్స్పోజింగ్ కాదు, అంతకు మించి ఏదో స్పెషల్ పాయల్ రాజ్పుత్లో వుంది. ఆ స్పెషాలిటీనే, ‘ఆర్డిఎక్స్లవ్’ సినిమాని మరింత స్పెషల్గా మలచింది. ఇప్పుడు ఇంకోసారి ఆ స్పెషాలిటీ ‘ఆర్డిఎక్స్ లవ్’లో చూపించబోతోంది పాయల్ రాజ్పుత్.
కొద్ది రోజుల క్రితమే ఈ సినిమాకి సంబంధించి ఓ టీజర్ విడుదల చేశారు. అందులో పూర్తిగా వల్గారిటీనే కన్పించింది. కానీ, ఇంతలోనే పెద్ద షాక్ ఇచ్చారు ‘ఆర్డిఎక్స్ లవ్’ దర్శక నిర్మాతలు. ‘ఆర్డిఎక్స్ లవ్’ ట్రైలర్ విడుదలయ్యింది తాజాగా. ఇది బూతు సినిమా లాంటిది కాదు.. పూర్తి యాక్షన్ బేస్డ్ ఫిలిం అనే సంకేతాలిచ్చారు. ‘వేటాడాలనుకున్న ఆడపిల్లకి సింహం కూడా కుక్క పిల్లలానే కన్పిస్తుంది..’ అని హీరోయిన్ పాయల్ రాజ్పుత్ చెప్పే ఒక్క డైలాగ్ చాలు.. సినిమాపై విపరీతమైన హైప్ క్రియేట్ చేయడానికి.
Also Read: పాయల్ ఆర్డిఎక్స్ క్వశ్చన్: అపరిచితులతో ‘సెక్స్’ చేశారా.?
కండలు తిరిగిన మగాళ్ళతో కలిసి కబడ్డీ ఆడేసి, వాళ్ళని మట్టి కరిపించేసినట్లు కన్పిస్తోంది పాయల్ రాజ్పుత్. తేజుస్ కంచర్ల అనే యంగ్ హీరో ఈ సినిమాలో నటిస్తున్నాడుగానీ, ట్రైలర్తోనే అతనికి పెద్దగా స్కోప్ కన్పించడంలేదు. ఊరు ఎదుర్కొంటోన్న ఓ సమస్యను తన భుజానికెత్తుకున్న ఓ యువతి, ఆ సమస్యకు కారణమయినవారితో తలపడటమే ఈ సినిమా కథాంశంగా కన్పిస్తోంది.
ట్రైలర్ అయితే చాలా ప్రామిసింగ్గా వుంది. సినిమాటోగ్రఫీ, బ్యాక్గ్రౌండ్ స్కోర్.. అన్నీ ఓ రేంజ్లో వున్నాయి. ఓ హాట్ సన్నివేశం ట్రైలర్లో పొందుపర్చినా, పాయల్ రాజ్పుత్ నటన, ఆమె యాటిట్యూడ్.. ఈ ట్రైలర్కి మేజర్ హైలైట్స్గా చెప్పుకోవచ్చు.