మెగాస్టార్ చిరంజీవికి ఆయన వీరాభిమాని అట.! పేరేమో మూర్తి, ప్రముఖ జర్నలిస్టు.! సారీ, ఎర్నలిస్టు అనడం కరెక్టేమో.! ఇప్పుడైతే దర్శకుడిగా మారాడు. ‘ప్రతినిథి-2’ సినిమాతో దర్శకుడిగా మారిన మూర్తి, అనూహ్యంగా మెగాస్టార్ చిరంజీవికి తాను అభిమానని ప్రకటించేసుకున్నాడు.
అవున్లెండి.. చిరంజీవికి అభిమానులు కాకుండా ఎవరు మాత్రం వుండగలరు. కాకపోతే, కొందరు అభిమానం ముసుగేసుకుని, చిరంజీవిపై విషం చిమ్ముతుంటారు. మూర్తి పరిస్థితి వేరు. రాత్రికి రాత్రి మెగాస్టార్ చిరంజీవి అభిమాననే ట్యాగ్ వేసుకున్నాడు. అంతా, తన సినిమా ‘ప్రతినిథి-2’ సినిమా కోసం.
చిరంజీవి అంటే, అజాత శతృవు. ఆయనెవర్నీ శతృవుగా చూడరు. అందర్నీ ప్రేమిస్తారు. అదే ఆయనతో పెద్ద సమస్య.. అంటారు ఆయన అభిమానులు. లేకపోతే, మూర్తి సినిమా టీజర్‌ని చిరంజీవి విడుదల చేయడమేంటి.? అన్నట్టు, ‘ప్రతినిథి-2’ సినిమాలో నారా రోహిత్ హీరోగా నటిస్తున్న సంగతి తెలిసిందే.
జర్నలిస్ట్ మూర్తి విషయానికొస్తే గతంలో కత్తి మహేష్, శ్రీరెడ్డి లాంటోళ్ళను న్యూస్ ఛానల్‌లోకి తీసుకొచ్చి, గంటల తరబడి చర్చ పేరుతో, చిరంజీవిని వారితో తిట్టించిన జర్నలిస్టే. మెగా కాంపౌండ్ మీద ఎవరెలాంటి వివాదాస్పద వ్యాఖ్యలు చేసినా, మూర్తికి అదో తుత్తి.. చిరంజీవికి వ్యతిరేకంగా చర్చా కార్యక్రమాలు నడిపేవాడు.
చిరంజీవి రాజకీయ రంగ ప్రవేశంపైనా గతంలో వివాదాస్పద వ్యాఖ్యలు చేశాడు ఇదే మూర్తి. జనసేన మీద కూడా అభ్యంతరకర వ్యాఖ్యలు చేసిన ఘనుడు ఈ మూర్తి. ముందే చెప్పుకున్నాం కదా.. చిరంజీవికి ఎవరి మీదా ద్వేషం వుండదని. కానీ, చిరంజీవి అభిమానులు మాత్రం, చిరంజీవి అంత శాంత స్వభావులు కాదు. మూర్తిని ఏకిపారేస్తున్నారు.
‘నువ్వెప్పుడు చిరంజీవి అభిమానివి అయ్యావ్ మూర్తీ.?’ అంటూ కడిగి పారేస్తున్నారు జర్నలిస్టు మూర్తిని.
తమ కుటుంబాన్ని ఎన్ని మాటలు అన్న వారినికుడా కనికరించడం మెగాఫ్యామిలీ లక్షణం.కుక్కలు మొరగడం గజారాజును చూసి సహజమే కదా మూర్తి గారు…
— SrI KaNtH.. M (@sk313sk) March 29, 2024
ఒరేయ్ మూర్తిగా నీలో మార్పు నిజమేనా రా…
అంత మంచి మెగా ఫ్యామిలీ పైన ఎప్పుడు చూడు విషయం కక్కుతావు కదరా చూడరా మెగాస్టార్ మంచితనాన్ని 🙏🏻— Love My country (@LoveMyc90453486) March 29, 2024