Surya Kiran: తెలుగు సినీ పరిశ్రమలో విషాదం నెలకొంది. నటుడు, దర్శకుడు సూర్యకిరణ్ (Surya Kiran) తుది శ్వాస విడిచారు. ఆయన స్వస్థలం చెన్నై. ఆయన తల్లిదండ్రులది కేరళ. కొన్ని రోజులుగా కామెర్ల వ్యాధితో బాధపడుతున్నారు. సుమంత్ హీరోగా వచ్చిన సత్యం సినిమాకు దర్శకుడిగా మంచి పేరు తెచ్చుకున్నారు. బాల నటుడిగా సూర్య కిరణ్ 200లకు పైగా సినిమాల్లో నటించడం విశేషం.
సత్యం సినిమా తర్వాత సుమంత్ తోనే ధన 51తోపాటు బ్రహ్మాస్త్రం, రాజు భాయ్ చాప్టర్ 6 సినిమాలకు దర్శకత్వం వహించారు. తమిళంలో వరలక్ష్మి శరత్‌కుమార్ నటించిన అరసి చిత్రానికి కూడా దర్శకత్వం వహించారు. బాలనటుడిగా ఆయన రెండు కేంద్ర ప్రభుత్వ అవార్డులు, దర్శకుడిగా రెండు నంది అవార్డులు అందుకున్నారు.
సూర్య కిరణ్ కు చిరంజీవి పసివాడి ప్రాణంలో బాలనటిగా నటించిన సుజిత సోదరి. హీరోయిన్ కల్యాణిని ప్రేమ వివాహం చేసుకున్నారు. వ్యక్తిగత కారణాలతో విడిపోయారు. తెలుగు బిగ్ బాస్ 4లో కంటెస్టెంట్ గా పాల్గొన్నారు. మంగళవారం చెన్నైలో సూర్యకిరణ్ అంత్యక్రియలు జరుగనున్నాయి.