టాలీవుడ్ యంగ్ హీరో శర్వానంద్( Sharwanand) ఆదివారం ఉదయం కారు ప్రమాదానికి గురైన విషయం తెలిసిందే. హైదరాబాద్ లోని ఫిలింనగర్ ప్రాంతంలో ఆయన ప్రయాణిస్తున్న కారు అదుపుతప్పి డివైడర్ ని ఢీకొంది. ప్రమాద సమయంలో శర్వానంద్ కారులోని ఉన్నారు. అయితే తనకు ఎలాంటి గాయాలు కాలేదని తాను క్షేమంగా ఉన్నట్లు శర్వా ట్వీట్ చేశారు.
‘ఈరోజు ఉదయం నా కారుకు ప్రమాదం జరిగినట్లు వార్తలు వస్తున్నాయి. అది చాలా చిన్న ప్రమాదం. మీ అందరి ప్రేమ, దీవెనల వల్ల నాకు ఎలాంటి గాయాలు కాలేదు. ఇంట్లోనే క్షేమంగా ఉన్నాను. మీ ప్రేమాభిమానాలకు ధన్యవాదాలు’ అని ట్వీట్ చేశారు.
శర్వానంద్ కారు ప్రమాద ఘటన గురించి సమాచారం అందుకున్న పోలీసులు ఘటనా స్థలానికి చేరుకున్నారు. అక్కడ శర్వా కి పోలీసులు డ్రంక్ అండ్ డ్రైవ్ టెస్ట్ చేశారు. ఆయన మద్యం సేవించలేదని ఆ టెస్టులో తేలింది. ప్రమాద సమయంలో ఆయన కారులోనే ఉన్నట్లు పోలీసులు తేల్చారు. మరి కొద్ది రోజుల్లో శర్వానంద్ పెళ్లి పీటలు ఎక్కనున్న విషయం తెలిసిందే.
There has been news that my car met with an accident this morning. It was a very minor incident.
I am absolutely safe and sound at Home with all your love and blessings. There is nothing to worry about. Thank you all for your concern.
Have a great Sunday everyone.
— Sharwanand (@ImSharwanand) May 28, 2023