చిన్న సినిమాగా తెరకెక్కి దేశవ్యాప్తంగా సంచలన విజయం సాధించిన చిత్రం కాంతార. రిషబ్ శెట్టి స్వీయ దర్శకత్వంలో తెరకెక్కిన ఈ సినిమాలో క్లైమాక్స్ ఓ అద్భుతం. భూతకోల ఆడే వ్యక్తిని పంజుర్లి దేవత ఆవహించిన సన్నివేశం ప్రేక్షకుల్ని కట్టిపడేసింది. ప్రేక్షకుల్ని ఉత్కంఠకు గురి చేసిన ఈ సన్నివేశం ఇప్పుడు చిత్ర బృందానికి స్వీయ అనుభవం కావడం విశేషం.
తులునాడులోని పంజుర్లి దేవత ఉత్సవానికి కాంతార చిత్ర బృందం హాజరై ప్రత్యేక పూజలు చేశారు. ఈ సమయంలో ఆ ప్రాంతానికి చెందిన ఓ వ్యక్తి భూతకోల ఆడేందుకు సిద్ధమయ్యాడు. అయితే.. అతడిని దేవతలు ఆవహించింది. ఆ వ్యక్తి రిషబ్ శెట్టిని ఆత్మీయంగా తాకడమే కాకుండా చిత్ర బృందాన్ని చూసి చిరునవ్వు నవ్వాడు. హోంబలే నిర్మాణ సంస్థ పోస్ట్ చేసిన ఈ వీడియో వైరల్ అయింది. అయితే.. ఈ వీడియో ఎప్పటిదో తెలియరాలేదు.
కాంతార చిత్ర బృందం నిజజీవితంలో దైవానుగ్రహాన్ని పొందింది. ప్రకృతికి అనుగుణంగా మనకు స్వేచ్ఛ, విజయాన్ని ఇస్తున్న దైవాన్ని ఆరాధించండి అని పోస్టులో పేర్కొంది.
ಹರಕೆ ತೀರಿಸಿದ ಕ್ಷಣಗಳು.
You surrender to the nature & worship the God, who has bestowed you with such success n freedom in life. #Kantara team witnessed the divine in real form & took the blessings of Daiva!@shetty_rishab #VijayKiragandur @gowda_sapthami @ChaluveG @Karthik1423 pic.twitter.com/vPn8mOoenR— Hombale Films (@hombalefilms) January 20, 2023