ఎవరు పులి.? ఎవరు పిల్లి..? అయ్యన్న వర్సెస్ విసారె.!

పులి ఎవరో, పిల్లి ఎవరో తేలిపోవాలి.! ‘వచ్చెయ్ తేల్చేసుకుందాం..’ అంటూ మాజీ మంత్రి, టీడీపీ సీనియర్ నేత అయ్యన్నపాత్రుడు సవాల్ విసిరేసిన దరిమిలా, స్పందించాల్సింది విజయసాయిరెడ్డి మాత్రమే.! ఇది కదా, అసలు సిసలు సవాల్ అంటే.. అంటూ టీడీపీ మద్దతుదారులు అంటున్నారు. ‘దెబ్బకి, అజ్ఞాతంలోకి వెళ్ళిపోయావ్..’ అంటూ వైసీపీ మద్దతుదారులు అయ్యన్న పాత్రుడి మీద సెటైర్లేస్తున్నారు.

ఆంధ్రప్రదేశ్ రాష్ట్రంలో రాజకీయాలు అత్యంత నీఛ స్థాయికి దిగజారిపోయాయి. ముఖ్యమంత్రిని ‘చెత్త నా డాష్..’ అనడం అయ్యన్నపాత్రుడికి తగదు. కానీ, ఆయన అలా అనేస్తున్నాడు. తప్పడంలేదు, ఎందుకంటే మంత్రిగా వున్న సమయంలో కొడాలి నాని అంతకన్నా దారుణమైన పదజాలం వాడారు.

సో, ఈ వ్యవహారంలో ఒక్కరిదే తప్పు.. అనడానికి వీల్లేదు.! తప్పు ఇద్దరూ చేస్తున్నారు. శిక్ష ఇద్దరికీ పడాల్సిందే. కానీ, శిక్ష వెయ్యాల్సిన ఓటరు, ఎవరో ఒకరిలో మంచి వెతుక్కుంటాడా.? ఇద్దర్నీ ఇంటికి పంపిస్తాడా.? అన్నది ఎన్నికలతో తేలుతుందేమో.! అయినా, దొంగ ఓటర్లు రాజ్యమేలుతున్న రోజులివి. ఏ గెలుపునీ, నిఖార్సయిన గెలుపు అనలేం.. గెలుపుని, ప్రజాభిప్రాయం అనడానికీ వీల్లేని పరిస్థితి.

ఇంతకీ, అయ్యన్న సవాల్ స్వీకరించి, విజయసాయిరెడ్డి.. ‘బస్తీ మే సవాల్’ అంటూ నర్సీపట్నం వెళతారా.? అంటే, ఇవన్న పేపర్ పులులు.. అంత సీన్ విజయసాయిరెడ్డికి లేదు. ‘కండోమ్ రెడ్డి..’ అనిపించుకున్నారు విజయసాయిరెడ్డి సొంత పార్టీ ఎంపీ రఘురామ కృష్ణరాజుతో.

ట్విట్టర్ వేదికగా చెలరేగిపోవడం, అధికారాన్ని అడ్డంపెట్టుకుని ఏవేవో మాట్లాడటం తప్ప.. రాజకీయాల్లో ఇప్పుడెవరూ, ‘నేరుగా తలపడేంత’ సీన్ కలిగి లేరు. అంత ఓపికా ఎవరికీ లేదు. కింది స్థాయి కార్యకర్తలు మాత్రం రెచ్చిపోతారు, కేసులు ఎదుర్కొంటారు. అద్గదీ అసలు సంగతి. ఒక్కమాటలో చెప్పాలంటే, నీతీ జాతీ లేని రాజకీయాలు నడుస్తున్నాయ్ రాష్ట్రంలో.!