అక్కడ తమ పార్టీ నేత, మాజీ మంత్రి వైఎస్ వివేకానందరెడ్డి హత్య కేసుకి సంబంధించి సీబీఐ విచారణ జరుగుతోంది. ‘దోషుల్ని త్వరగా శిక్షించండి..’ అన్న మాట ఒక్కడంటే ఒక్క బులుగు నాయకుడి నోట రావడంలేదు. ఒక్కమాటలో చెప్పాలంటే, సీబీఐ విచారణ దెబ్బకి బులుగు పార్టీ బిక్కచచ్చిపోయింది.
బులుగు పార్టీ పాలనలో ఆంధ్రప్రదేశ్ రాష్ట్రం గతుకులమయం అయిపోయింది. పోలవరం ప్రాజెక్టు అటకెక్కింది.. ప్రత్యేక హోదా వచ్చే దిక్కు లేదు.. రైల్వే జోన్ ఏమయ్యిందో తెలియదు.. దుగరాజపట్నం పోర్టు, కడప స్టీలు ప్లాంటు.. అంతేనా, రాజధాని అమరావతి వ్యవహారం.! ఇంత గందరగోళం నడుమ అధికార వైసీపీకి కనిపిస్తున్నది పవన్ కళ్యాణ్ మాత్రమే.
అయితే పవన్ కళ్యాణ్ పెళ్ళిళ్ళ గురించి.. లేదంటే పవన్ కళ్యాణ్ సినిమాల గురించి.. ఈ ఏడుపుతోనే అధికార వైసీపీ మూడేళ్ళ పాలనను పూర్తి చేసేసుకుంటోంది. ఓ సినిమా మీద ఓ ప్రభుత్వం పడి ఏడవడమేంటో.! ఇది చరిత్రలో ఎప్పుడూ చూడని చిత్ర విచిత్రం.
‘అఖండ’ సినిమాకి లేని ఇబ్బంది, ‘పుష్ప’ సినిమాకి లేని సమస్య, ‘బంగార్రాజు’కి లేని రగడ.. ‘భీమ్లానాయక్’ సినిమాకే ఎందుకు వస్తోందట.? అఖండ సినిమా విడుదలైనప్పుడు.. ఆ థియేటర్లకు ఇద్దరేసి వీఆర్వోలని నియమించలేదు కదా.? పోలీసుల్ని ఆయా థియేటర్లకు కాపలా పెట్టలేదు కదా.? ‘పుష్ప’ సినిమా విషయంలో కూడా ఇలా అధికార దుర్వినియోగం జరగలేదు కదా.?
‘భీమ్లానాయక్’ సినిమా మీద ఇంత ‘బులుగు కసి’ ఎందుకు.? ఎందుకంటే, పవన్ కళ్యాణ్ పేరు చెబితే చాలు, అధికార వైసీపీలో చాలామందికి ‘బులుగు గుండెపోటు’ వచ్చేస్తోంది మరి.! దటీజ్ పవన్ కళ్యాణ్.! రెండు చోట్లా ఓడిపోయి కూడా, తన మాటలతో తన సినిమాలతో ప్రభుత్వాన్ని భయపెట్టగలుగుతున్నాడంటే.. ఆ పవర్ తుపాను అలాంటిది మరి.!
‘భీమ్లానాయక్’ విషయంలో గొంతు చించుకుంటున్న బులుగు పెయిడ్ ఆర్టిస్టులు (కీలక పదవుల్లో వున్నవారు సైతం), కేంద్రాన్ని ప్రత్యేక హోదాపై నిలదీయగలరా.? రైల్వే జోన్ గురించి మాట్లాడగలరా.? ఇంకా నయ్యం.. అడిగితే తమ అడ్రస్ గల్లంతవుతుందని వాళ్ళకీ తెలుసు. భయపడే రాజకీయం రాజ్యమేలుతోంటే.. ఇదిగో ఇలాంటి తిక్కల వ్యవహారాలే తెరపైకొస్తాయ్.
185716 229759Youre so proper. Im there with you. Your weblog is surely worth a read if anyone comes throughout it. Im lucky I did because now Ive obtained a complete new view of this. I didnt realise that this issue was so important and so universal. You completely put it in perspective for me. 981905