6, 8, 14, 16, 18.. ఇవేవీ క్రికెట్ స్కోర్లు కావు. తమతో టచ్ లో ఉన్న తెలుగుదేశం పార్టీ ఎమ్మెల్యేల సంఖ్య ఇదేనంటూ పలు సందర్భాల్లో కమలనాథులు చెప్పిన అంకెలివి. ఆంధ్రప్రదేశ్ లో తెలుగుదేశం పార్టీకి 23 మంది ఎమ్మెల్యేలు ఉండగా.. వారిలో 18 మంది తమతో సంప్రదింపులు జరుపుతున్నారని, త్వరలో వారంతా కాషాయ కండువా కప్పుకోవడం ఖాయమని బీజేపీ జాతీయ కార్యదర్శి, ఏపీ పార్టీ డిప్యూటీ ఇన్ చార్జి సునీల్ దేవదార్ తాజాగా వెల్లడించారు. ‘‘పలు అవినీతి ఆరోపణలపై టీడీపీ అధినేత చంద్రబాబు జైలుకు వెళ్లడం ఖాయమని ఆ పార్టీ ఎమ్మెల్యేలు బలంగా విశ్వసిస్తున్నారు. బాబు సన్నిహితులతోపాటు ఆయన కుటుంబ సభ్యులు కూడా అవినీతికి పాల్పడినట్టు వారు నమ్ముతున్నారు. ఈ కారణంతోనే వారంతా బీజేపీలోకి రావాలని భావిస్తున్నారు’’ అని సునీల్ ఓ వార్తాసంస్థతో పేర్కొన్నారు.
ఇటీవల ఆయన మచిలీపట్నం వచ్చినప్పుడు కూడా చంద్రబాబు గురించి మాట్లడారు. రెండేళ్లలో ఆయన జైలుకు వెళ్లడం ఖాయమని ఉద్ఘాటించారు. తాజాగా అదే మాటను మళ్లీ చెప్పడం చూస్తుంటే తెరవెనుక ఏమైనా జరుగుతుందా లేక నేతలను తమ పార్టీలకు చేర్చుకునేందుకు ఆడుతున్న మైండ్ గేమా అనేది తెలియక టీడీపీ శ్రేణులు అయోమయానికి గురవుతున్నాయి. మరోవైపు ఏపీ సీఎం వైఎస్ జగన్ మోహన్ రెడ్డి సైతం గత ప్రభుత్వ అవినీతిపై ప్రధానంగా దృష్టి సారించారు. ఏ విభాగంలో ఎంత మేర అవినీతి జరిగింది? దాని వెనుక ఉన్న పెద్దలెవరో 45 రోజుల్లో తేల్చాలంటూ ఏకంగా మంత్రివర్గ ఉపసంఘం వేయడంతో అవినీతిపరుల గుండెల్లో రైళ్లు పరిగెడుతున్నాయి.
ఈ పరిణామాలన్నీ టీడీపీ ఎమ్మెల్యేల్లో అయోమయం సృష్టిస్తున్నాయి. ఈ నేపథ్యంలో వీటిని తమకు అనుకూలంగా మలుచుకునేందుకు కమలనాథులు వ్యూహాలు రచిస్తున్నారు. తమతో చాలా మంది టీడీపీ ఎమ్మెల్యేలు టచ్ ఉన్నారని లీకులిస్తున్నారు. తాజాగా 18 మంది బీజేపీలో చేరడానికి మొగ్గు చూపిస్తున్నారని పేర్కొన్నారు. అయితే, ఇది నిజం కాదని, ఈ విషయంలో బీజేపీ మైండ్ గేమ్ ఆడుతోందనే అభిప్రాయాలు వినపడుతున్నాయి.
టీడీపీ ఎమ్మెల్యేలను చేర్చుకోవడానికి బీజేపీ ప్రయత్నాలు సాగిస్తున్న సంగతి నిజమేనని, అయితే ఇంతమంది ఎమ్మెల్యేలు మాత్రం చేరే ప్రసక్తే లేదని అంటున్నారు. ఈనెల 6న ఆరెస్సెస్ చీఫ్ మోహన్ భాగవత్ గుంటూరులో జరిగే గురుదక్షిణ కార్యక్రమంలో పాల్గొననున్నారు. ఆ సందర్భంగా పలువురు సీనియర్ నేతలో పార్టీలో చేరే అవకాశం ఉందని ప్రచారం జరుగుతోంది. ఆలోగా టీడీపీ ఎమ్మెల్యేలపై మైండ్ గేమ్ ద్వారా ఒత్తిడి తెచ్చి సాధ్యమైనంత ఎక్కువ మందిని ఆకర్షించాలన్నది కమలనాథుల వ్యూహంగా కనిపిస్తోందనే టాక్ వినిపిస్తోంది. ఇందులో నిజానిజాలు తెలియాలంటే కొంతకాలం వేచిచూడాల్సిందే.
307277 282832Youre so cool! I dont suppose Ive read anything like this before. So good to locate somebody with some original thoughts on this topic. realy thank you for starting this up. this website is something that is necessary on the internet, someone with a bit originality. helpful job for bringing something new to the internet! 766757
411625 7012Most heavy duty trailer hitches are developed making use of cutting edge computer aided models and fatigue stress testing to ensure optimal strength. Share new discoveries with your child and keep your child safe by purchasing the correct design for your lifestyle by following the Perfect Stroller Buyers Guideline. 343122
323706 815840I added this write-up to my favorites and plan to return to digest more soon. Its effortless to read and realize as properly as intelligent. I truly enjoyed my 1st read by means of of this article. 801735
634218 302570Wow, superb blog layout! How long have you been blogging for? you make blogging look easy. The overall look of your internet site is magnificent, as well as the content material! xrumer 285080