YS Viveka: అందరికీ తెలిసిన పేరు వైఎస్ వివేకానందరెడ్డి. కానీ, అసలు పేరు వేరే వుంది. అదే షేక్ మొహమ్మద్ అక్బర్.! మాజీ ఎంపీ, మాజీ మంత్రి వైఎస్ వివేకానంద రెడ్డి ఎందుకు పేరు మార్చుకుంటారు.? ఆయన చనిపోయాడు కాబట్టి, ఇప్పుడు ఆయన గురించి ఏం మాట్లాడినా చెల్లిపోతుందనుకుంటోంది వైఎస్సార్ కాంగ్రెస్ పార్టీ.
వైసీపీ ఎంపీ వైఎస్ అవినాష్ రెడ్డి తాజాగా తన బాబాయ్ వైఎస్ వివేకానందరెడ్డి గురించి సంచలన ఆరోపణలు చేశారు. ఓ ముస్లిం మహిళతో వివేకానందరెడ్డి పెళ్ళి అయ్యిందనీ, ఆమె ద్వారా ఓ కొడుక్కి ఆయన తండ్రి అయ్యారనీ అవినాష్ రెడ్డి ఆరోపించారు.
కొడుక్కే ఆస్తులన్నీ రాసిచ్చేందుకు ప్రయత్నించారనీ, ఆ కారణంగానే ఆయన మీద కక్ష పెంచుకున్నవారు ఆయన్ని చంపేసి వుంటారనీ అవినాష్ రెడ్డి సంచలన ఆరోపణలు చేయడం తెలుగునాట రాజకీయాల్లో అందర్నీ విస్మయానికి గురిచేస్తోంది.
అప్పుడెప్పుడో 2006లోనే వైఎస్ వివేకానందరెడ్డి అక్రమ సంబంధం పెట్టుకున్నారట సదరు ముస్లిం మహిళతో. 2011లో ఆమెకు మగ బిడ్డ జన్మించాడట వైఎస్ వివేకానందరెడ్డి ద్వారా. వైఎస్ వివేకానందరెడ్డి అంటే ఆషామాషీ వ్యక్తి ఏమీ కాదు. అలాంటిదేమన్నా వుంటే, రాజకీయ ప్రత్యర్థులు ఆ విషయాలన్నీ ఎప్పుడో బయటపెట్టేవారే కదా.!
అంతెందుకు వైసీపీకి కూడా ఆయన గతంలో రాజకీయ ప్రత్యర్థి అయిపోయారు. అప్పుడు కూడా వైఎస్ వివేకా మీద, ‘షేక్ మొహమ్మద్ అక్బర్’ అనే ఆరోపణల్ని ఎవరూ చేయలేదు. వైఎస్ వివేకా డెత్ మిస్టరీనీ సీబీఐ ఛేదించేందుకు ప్రయత్నిస్తున్న ప్రస్తుత తరుణంలో, ఆరోపణలు ఎదుర్కొంటున్న అవినాష్ రెడ్డి.. ఇదిగో ఇలా ‘ట్విస్ట్’ చేసే ప్రయత్నం చేస్తున్నారన్నమాట.
‘ఒక కన్ను ఇంకో కన్నుని ఎందుకు పొడుస్తుంది అధ్యక్షా..’ అంటూ అసెంబ్లీ సాక్షిగా వైసీపీ అధినేత, ఏపీ ముఖ్యమంత్రి వైఎస్ జగన్ వాపోయారు. ఆ రెండు కళ్ళలో ఒకటైన వివేకానందరెడ్డి మీద మరో కన్ను అయిన వైఎస్ అవినాష్ రెడ్డి ఏకంగా ‘మతం మార్పిడి, అక్రమ సంబంధం’ అంటూ ఆరోపణలు గుప్పిస్తుండడం గమనార్హం.
302098 584367Outstanding post, I feel blog owners ought to larn a great deal from this internet site its rattling user friendly . 347026