చంద్రబాబు గెలిస్తే తిరుగుండదంతే..!

ఏపీ ఎన్నికల్లో ఈసారి ఫ్యాన్‌ గాలి గట్టిగా వీచిందన్న వార్తల నేపథ్యంలో ఎక్కడో అనుమానం మాత్రం ఖచ్చితంగా కనిపిస్తోంది. గోదావరి జిల్లాల పరిస్థితి ఎవరికీ అంతుపట్టని వ్యవహారంగా మారింది. 2014లో కూడా ఖచ్చితంగా జగన్‌ గెలిచి తీరతాడని అనుకున్న సమయంలో అనూహ్యంగా చంద్రబాబు నాయుడు అధికారంలోకి వచ్చారు. 2019లో కూడా ఖచ్చితంగా చంద్రబాబు అధికారంలోకి వచ్చి తీరతాడని కూడా అనుమానిస్తున్నారు.

ఒకవేళ చంద్రబాబు అధికారంలోకి వస్తే…

జగన్‌ తిరిగి ఓడిపోయి తిరిగి అధికారంలోకి వస్తే చంద్రబాబుకు ఇక తిరుగుండదు అంతే. అలనాడు జాతీయస్థాయిలో చక్రం తిప్పిన చంద్రబాబు నేడు కూడా అదే స్థాయిలో తిప్పే అవకాశాలున్నాయి. ఎందుకంటే కేంద్రంలో మోడీ స్పష్టమైన మెజారిటీతో అధికారంలోకి రాలేడని ఖచ్చితంగా ప్రాంతీయ పార్టీలు కీలకపాత్ర వహిస్తాయని ఆయన ఉద్యేశం. దీనితోనే చంద్రబాబును నమ్మడానికి లేదని ఆయన చివరిలో వేసిన అస్త్రాలు ఫలిస్తే అధికారంలోకి వస్తారని.. అప్పుడు తిరిగి మోడితో కలిసినా ఆశ్చర్యపోనవసరం లేదని అంటున్నారు.

ఎన్ని తిట్లు తిట్టుకున్నా అంతిమంగా అధికారం ముఖ్యం కాబట్టి అటు మోడీకి ఇటు చంద్రబాబుకు గత జ్ఞాపకాలు ఎంతమాత్రం అడ్డురావన్నది జగమెరిగిన సత్యం. గతంలో ఇలాంటి అనుభవాలు ఉన్నాయి కాబట్టి ఏమి జరిగినా ఆశ్యర్యపోవలసిన అవసరం లేదు. ఒకవేళ మోడీకి ప్రాంతీయ పార్టీల అవసరం వస్తే గనుక ఖచ్చితంగా చంద్రబాబు చాణక్యం ప్రదర్శిస్తారని చెప్పకతప్పదు. ఎట్టి పరిస్థితుల్లోనూ మోడీకి అడుగడుగునా అడ్డంకులు సృష్టించి అయినా ఆయనకు కావలసింది సాధిస్తారని అంటున్నారు. అవసరం అనుకుంటే రాష్ట్రంలో అధికారం కొడుక్కు కట్టబెట్టి అయినా ఆయన కేంద్రంలోకి పోవడానికి కూడా వెనుకాడరు అంటున్నారు.

రాహుల్‌ ప్రధాని అయితే డమ్మీనేనా?

నిజానికి సర్వేల ప్రకారం ఎట్టి పరిస్థితుల్లో కాంగ్రెస్‌ అధికారంలోకి వచ్చే అవకాశమే లేదని అంటున్న తరుణంలో ఒకవేళ బొమ్మ ఇటు తిరిగి ప్రాంతీయ పార్టీలు అన్నీ ఏకతాటిపైకి వస్తే పరిస్థితి అప్పుడు కాంగ్రెస్‌కు అనుకూలంగా మారే అవకాశం లేకపోలేదని అంటున్నారు. అలాంటి పరిస్థితే వస్తే చంద్రబాబు చెప్పినట్లే రాహుల్‌ నడుచుకోక తప్పదని.. అప్పుడు ఆయన ఆడింది ఆట పాడింది పాట అవుతుందని అంటున్నారు. ఆయన కేవలం ఒకడమ్మీ ప్రధానిగా వ్యవహరించే అకాశం ఉంది.

నిజంగా రాహుల్‌ అధికారంలోకి వస్తే… చంద్రబాబు వైసీపీని పూర్తిగా నిర్వీర్యం చేసే అవకాశాలు ఉన్నాయి. రాహుల్‌ మీద ఒత్తిడి తెచ్చి అయినా… జగన్‌ను జైలుకు పంపించి తీరతాడని.. వైసీపీ పార్టీని విజయమ్మ కానీ, షర్మిల కానీ నడిపించే అవకాశం ఎంతమాత్రమూ ఉండదని… నాయకులకు గాలం వేసి లాక్కుంటే ఇక కోలుకోవడం కష్ట సాధ్యం అవుతుందన్నది చంద్రబాబు ఆలోచనగా ఉంది. రాష్ట్రంలో లోకేష్‌కకు అధికారం అప్పగించి చంద్రబాబు కేంద్రంలో చక్రం తిప్పి.. శాశ్వతంగా టీడీపీకి అడ్డంకులు లేకుండా చేసుకుంటారని అంటున్నారు.

ఏది ఏమైనప్పటికీ ఇవన్నీ కేవలం ఊహాజనితమైన రాజకీయ విశేషణలు మాత్రమే. నిజం అవ్వచ్చు.. అవ్వకపోవచ్చు.. కానీ ఇదే నిజమైతే.. ప్రతిపక్షం లేని పాలన ప్రజల మనుగడకే ప్రశ్నార్థకం అవుతుంది. అప్పుడు రాష్ట్రం కోలుకోవడానికి ఎంతకాలం పడుతుంతో చెప్పడానికి లేదు. ఆ అవకాశం లేకుండా ఏవరు అధికారంలోకి వచ్చినా అర్థవంతమైన పాలన అందిస్తారని ఆశిద్ధాం.