సినీ రంగంలో తరచూ వినిపించే మాట, ‘అవార్డుల్ని కొనేసుకుంటున్నారు’ అని. అవార్డులే కాదు, డాక్టరేట్లు కూడా కొనుక్కుంటోన్న రోజులివి. మరి, వివిధ ప్రభుత్వ శాఖలకు దక్కుతున్న అవార్డుల మాటేమిటి.? తెలుగునాట ఇప్పుడీ అంశంపై ఆసక్తికరమైన చర్చ జరుగుతోంది. ఇటు రాజకీయ వర్గాల్లోనూ, అటు మీడియా వర్గాల్లోనూ, ఇంకోపక్క సాధారణ ప్రజానీకంలోనూ ఇదే చర్చ షురూ అయ్యింది.
విద్యుత్ రంగానికో, ఇంకో రంగానికో కేంద్రం అవార్డులు ఇచ్చిందంటూ ఆయా ప్రభుత్వాలు తరచూ ప్రచారం చేసుకుంటుండడం చూస్తున్నాం. దేశంలో ఏ ఒక్క రాష్ట్రానికో పరిమితమైన వ్యవహారం కాదిది. అన్ని రాష్ట్రాల్లోనూ ఇదే తంతు. ఈజ్ ఆఫ్ డూయింగ్ బిజినెస్ వ్యవహారాల దగ్గరనుంచి, విద్య, వైద్య రంగాలు.. పోలీసు వ్యవస్థ.. ఇలా వివిధ విభాగాలకుగాను ఎప్పటికప్పుడు అవార్డులు వస్తుండడం, ఆయా శాఖలకు చెందిన అధికారులు ఈ అవార్డుల్ని అందుకోవడం చూస్తూనే వున్నాం.
ఫలానా విభాగంలో ఫలానా రాష్ట్రం అత్యద్భుతమైన ప్రగతి చూపిస్తోందంటూ అవార్డులు రావడం మంచిదే. రాష్ట్రాల మధ్య ఆరోగ్యకరమైన పోటీకి ఈ అవార్డుల ప్రక్రియ దారి తీస్తుంది. కానీ, ఈ అవార్డులూ అమ్ముడుపోయే అవార్డులైతేనో.? అదే అసలు సమస్య. ‘ఛ, అలా జరిగే అవకాశమే లేదు..’ అనేది మెజార్టీ అభిప్రాయం. అదే సమయంలో, ‘నిప్పు లేకుండా పొగ రాదు కదా.?’ అన్న వాదనలూ వున్నాయి.
కేంద్ర ప్రభుత్వాన్ని ప్రసన్నం చేసుకుంటే, అవార్డులు తేలిగ్గా వస్తాయన్న అభిప్రాయం సర్వత్రా వినిపిస్తోంది. అంటే, కేంద్రం చెప్పినట్టు రాష్ట్రాలు నడచుకోవాలన్నమాట. పోలీసు విభాగానికి వచ్చే అవార్డులనే తీసుకుందాం.. అత్యున్నత పోలీసింగ్ కోసం అవార్డులు ఏదన్నా రాష్ట్రానికి దక్కితే, ఆ రాష్ట్రాల్లో క్రైమ్ రేటు జీరో వుండాలి.. అది సాధ్యం కాదు గనుక, నేరస్తులకు శిక్షలన్నా సకాలంలో పడేలా పోలీసు వ్యవస్థ చేసి వుండాలి. కానీ, ఇవేవీ జరగవు.
హద్దూ అదుపూ లేకుండా పోతోన్న నేరాలు.. అధ్వాన్నమైన రోడ్లు, కనీస వైద్య సౌకర్యాల్లేని గ్రామాలు.. ఇలా చెప్పుకుంటూ పోతే, దేశంలో చాలా సమస్యలున్నాయి.. చాలా రాష్ట్రాల్లో.. కాదు కాదు, దాదాపు అన్ని రాష్ట్రాల్లోనూ ఈ పరిస్థితులున్నాయి. మరెలా అవార్డులొస్తున్నాయ్.? అదే మిలియన్ డాలర్ క్వశ్చన్ అంటున్నారు ప్రజాస్వామ్యవాదులు.
556004 297997I got what you intend,bookmarked , extremely nice internet website . 929528
391159 227812I really delighted to uncover this web site on bing, just what I was searching for : D besides saved to bookmarks . 543917
659813 433338We stumbled over here coming from a different internet page and thought I may check issues out. I like what I see so now im following you. Appear forward to exploring your web page yet again. 375606
420228 90025Typically I dont learn post on blogs, nonetheless I wish to say that this write-up very pressured me to try and do it! Your writing taste has been surprised me. Thank you, quite great post. 456548