చిన్న వయసులోనే పెద్ద యాడ్ చేసి అందరి దృష్టి ని తన వైపుకు తిప్పుకుంది సూపర్ స్టార్ మహేష్ బాబు కూతురు సితార. ప్రతిష్టాత్మక పీఎంజే జ్యువెలర్స్ కి బ్రాండ్ అంబాసిడర్ గా ప్రమోషన్స్ చేపట్టింది. ఆ యాడ్ కి గాను ఆమె తీసుకున్న రెమ్యూనరేషన్ అక్షరాల కోటి రూపాయలట. స్టార్ హీరో కూతురుగా అతి చిన్న వయసులోనే యాడ్ రంగంలోకి అడుగుపెట్టిన మొట్టమొదటి స్టార్ కిడ్ సితారానే. తాజాగా జరిగిన ఇంటర్వ్యూలో తన రెమ్యూనరేషన్ గురించి సితార ఇంట్రెస్ట్ కామెంట్స్ చేసింది.
‘ఈ యాడ్ కి తీసుకున్న రెమ్యూనరేషన్ అమ్మకి ఇచ్చావా? నాన్నకిచ్చావా?’ అని ప్రశ్నించగా చారిటీకి ఇచ్చానని బదులిచ్చింది. చారిటీ ద్వారా మహేష్ బాబు ఎంతోమంది చిన్న పిల్లలకు హార్ట్ ఆపరేషన్లు చేయిస్తున్న విషయం తెలిసిందే. తన తొలి సంపాదనను ఆ చారిటికీ ఇచ్చి సితార తన గొప్ప మనసుని చాటుకుంది. ఈ ఇంటర్వ్యూకి సంబంధించిన వీడియో సోషల్ మీడియాలో వైరల్ అవుతుంది. తండ్రికి తగ్గ తనయ అంటూ నెటిజెన్స్ సితార ని ప్రశంసిస్తున్నారు.
సితారకి సోషల్ మీడియాలోనూ ఫ్యాన్ ఫాలోయింగ్ ఎక్కువే ఎప్పటికప్పుడు డాన్స్, ఫోటోషూట్ ఫోటోలను ఫాన్స్ తో పంచుకుంటూ ఉంటుంది. మహేష్ బాబు నటించిన సర్కారు వారి పాట సినిమాలోని ఓ పాటలో సితార గెస్ట్ అప్పియరెన్స్ చేసిన విషయం తెలిసిందే.
Hey! I’m at work surfing around your blog from my new apple iphone!
Just wanted to say I love reading through your blog and look forward to
all your posts! Keep up the outstanding work!