‘వెధవాయను నేను.. నీకన్న పెద్ద వెధవాయను నేను..’ అంటూ ఓ సినీ కవి ఏనాడో ఓ గొప్ప పాట రాసేశాడు. రాజకీయాల్లోనూ అంతే.! ప్రజలకు సేవ చేస్తామంటూ రాజకీయాల్లోకి వచ్చే నాయకులు.. వీధి రౌడీల స్థాయికి దిగజారిపోయి.. ఒకరి మీద ఒకరు తిట్టుకోవడం చూస్తే, పై పాట గుర్తుకు రాకుండా వుంటుందా.?
ఆంధ్రప్రదేశ్లో అధికార, ప్రతిపక్ష పార్టీలకు చెందిన నేతల మధ్య ‘మాటల యుద్ధం’ చూసి పై పాటని గుర్తు చేసుకుంటున్నారు ప్రజలు. ఒకాయన గతంలో లారీ క్లీనర్గా పనిచేశాడట. ఇంకొకాయన తండ్రి గోలీ సోడా కొట్టేవాడట. ఇలా విమర్శించుకుంటున్నారు ఒకర్నొకరు. ‘బొత్తిగా సిగ్గొదిలేశారు..’ అని జనం చీదరించుకుంటున్నా.. ఈ అడ్డగోలు విమర్శలు మాత్రం ఆగడంలేదు. ‘చాయ్ వాలా.. భారతదేశానికి ప్రధాని అవడం ఓ అద్భుతం..’ అని ప్రపంచమంతా కీర్తిస్తోంది. అది మన వ్యవస్థ గొప్పతనం. కానీ, ఆ వ్యవస్థని మనమే కించపర్చేసుకుంటున్నాం.
లారీ క్లీనర్ అయితే.. ఉన్నత పదవుల్లో వుండకూడదా.? తండ్రి గోలీ సోడాలు అమ్ముకునేవాడయితే.. కొడుకు రాజకీయంగా ఎదగకూడదా.? మాజీ మంత్రిని పట్టుకుని ‘చీర పంపిస్తా..’ అనడమేంటి.? బాధ్యతగల ప్రజా ప్రతినిధిని పట్టుకుని, ‘తాగుబోతు, లారీ క్లీనర్’ అనడమేంటి.? పేర్లు ప్రస్తావించడం ఇక్కడ అనవసరం.
ఆయా వ్యక్తులు.. తమ స్థాయి దిగజారిపోతోందన్న విషయాన్ని గుర్తించలేకపోతున్నారు. రాజకీయమనే ఓ పైత్యంతో సదరు నేతలు కొట్టుమిట్టాడుతున్నారు మరి. ఆ పొర వీడితే తప్ప వాళ్ళకి వాస్తవం కన్పించదు. తన పదవిని నిలబెట్టుకోవాలనే ‘కక్కుర్తి’ కారణంగా సదరు నేత, ప్రత్యర్థుల్ని బండబూతులు తిట్టడానికీ వెనుకాడ్డంలేదు.
‘గుడ్డలూడదీసి కొడతాం..’ అని ఏ ప్రజా ప్రతినిధి అయినా అనడం సబబేనా.? కానీ, ఆయన అంటాడు. ‘నీ యమ్మ మొగుడు కట్టాడా.?’ (క్షమించాలి.. ఇంతటి జుగుప్సాకరమైన పదాల్ని ప్రస్తావిస్తున్నదుకు.. కానీ తప్పడంలేదు) అంటూ విరుచుకుపడ్తాడు. ప్రజాస్వామ్యంలో వున్నామా.? ఆటవిక వ్యవస్థలో వున్నామా.? నిజానికి.. అది వీళ్ళ తప్పు కూడా కాదు. వీళ్ళని ప్రోత్సహిస్తున్న పార్టీలది. ఇంకా ఖచ్చితంగా చెప్పాంటే, ఇలాంటోళ్ళని చట్టసభలకు పంపుతున్న ప్రజల తప్పిదం కూడా వుంది.
‘నేను గానీ బూతులు గానీ తిట్టానంటే..’ అంటూ తాజాగా ఈ రోజు ఇంకోసారి విరుచుకుపడిపోయాడాయన. ఇంతకన్నా ఇంకేం బూతులుంటాయ్.? ఈయనగారేమన్నా బూతుల్లో పీహెచ్డీ చేసేశారా.? అన్న అనుమానం కలగకమానదు.
511540 645718Just a smiling visitor here to share the really like (:, btw wonderful pattern . 91378
789875 490329quite good publish, i surely love this internet site, carry on it 66445