Sundeep Kishan: ‘సక్సెస్, ఫెయిల్యూర్ తో సంబంధం లేకుండా ప్రేక్షకులు ఆదరిస్తున్నారు. వారి అభిమానం వల్లే పరిశ్రమలో కొనసాగుతున్నా. ఇందుకెంతో సంతోషంగా ఉంద’ని హీరో సందీప్ కిషన్ (Sundeep Kishan) అన్నారు. ఆయన హీరోగా వి.ఐ. ఆనంద్ (VI Anand) దర్శకత్వంలో తెరకెక్కిన ‘ఊరు పేరు భైరవకోన’ టీజర్ రిలీజ్ చేశారు. నేడు సందీప్ పుట్టినరోజు సందర్భంగా రామానాయుడు స్టూడియోస్ (Ramanaidu Studios) లో యూనిట్ శత చండీయాగం నిర్వహించారు. అనంతరం సందీప్ కిషన్ మాట్లాడుతూ..
‘హారర్ జోనర్ సినిమాలు నాకు ఇష్టం. ఆనంద్ హారర్ సినిమా చేయడం స్పెషల్. తను రాసే కథలు నాకే వినిపిస్తాడు. అలా విని చేసిందే ఈ సినిమా. కాంతారా, విరూపాక్షతో భైరవకోనకు సంబంధం లేదు. సినిమాపై పూర్తి నమ్మకంతో ఉన్నా. యూనివర్సెల్ కంటెంట్ ఉన్న సినిమా. రెండేళ్లపాటు షూట్ చేశాం’.
‘మైఖేల్ విషయంలో మా అంచనా తప్పైంది. మంచి పేరు వచ్చింది కానీ.. సక్సెస్ కాలేదు. ఇష్టం లేకుండా చేసిన రెండు, మూడు సినిమాలు చేయకుండా ఉంటే బాగుండేదని అనిపిస్తుంది. కెరీర్లో ఎత్తుపల్లాలు ఉన్నా హ్యాపీగానే ఉన్నా’నని అన్నారు.