బీజేపీ ఆంధ్రప్రదేశ్ శాఖ అధ్యక్షుడిగా సోము వీర్రాజు నియమితులయ్యారు. ఇప్పటిదాకా ఆ పదవిలో మాజీ మంత్రి కన్నా లక్ష్మినారాయణ కొనసాగుతున్న విషయం విదితమే. బీజేపీ జాతీయ అధ్యక్షుడు జగత్ ప్రకాష్ నడ్డా, ఏపీ బీజేపీ అధ్యక్షుడిగా సోము వీర్రాజుని నియమిస్తూ నిర్ణయం తీసుకున్నట్లు, బీజేపీ నేషనల్ జనరల్ సెక్రెటరీ, హెడ్ క్వార్టర్ ఇన్ఛార్జి అరుణ్ సింగ్ పేరుతో లేఖ విడుదలయ్యింది. సోము వీర్రాజు బీజేపీలో అగ్రెసివ్ నేతగా అందరికీ సుపరిచితులే.
నిజానికి కన్నా లక్ష్మినారాయణను అనూహ్యంగా బీజేపీ రాష్ట్ర అధ్యక్ష పదవి వరించింది. ఆ ప్లేస్లో తొలుత పేరు విన్పించింది సోము వీర్రాజుదే కావడం గమనార్హం. వైసీపీలో చేరేందుకు సమాయత్తమవుతున్న సమయంలో అనూహ్యంగా బీజేపీ, కన్నా లక్ష్మినారాయణను రాష్ట్ర అధ్యక్షుడిగా నియమించడం అప్పట్లో ఆసక్తికరమైన చర్చకు తెరలేపింది.
ఇదిలా వుంటే, గత కొద్ది కాలంగా కన్నా లక్ష్మినారాయణ వ్యవహారశౖలిపై వైఎస్సార్ కాంగ్రెస్ పార్టీ తీవ్రమైన ఆరోపణలు చేస్తూ వస్తోంది. టీడీపీకి అనుకూలంగా కన్నా లక్ష్మినారాయణ వ్యవహరిస్తున్నారనీ, ఈ క్రమంలో రాష్ట్రంలో బీజేపీ ఏమాత్రం పుంజుకోలేకపోతోందన్న విమర్శలు విన్పించాయి. ఇటీవల మూడు రాజధానుల ఎపిసోడ్లో కన్నా లక్ష్మినారాయణ, గవర్నర్కి లేఖ రాయడంపై బీజేపీలో దుమారం చెలరేగిందంటూ వైసీపీ ముఖ్య నేత విజయసాయిరెడ్డి సంచలన ఆరోపణలు చేశారు. విజయసాయిరెడ్డి అంచనాలకు తగ్గట్టుగానే కన్నా లక్ష్మినారాయణపై వేటు పడిందా.? అన్న చర్చ ఏపీ రాజకీయ వర్గాల్లో జరుగుతోంది.
ప్రస్తుతానికి ఈ విషయమై కన్నా లక్ష్మినారాయణ ఇంకా స్పందించలేదు. బీజేపీలో మరో కీలకమైన పదవి కన్నా లక్ష్మినారాయణను వరిస్తుందా.? లేదంటే, కన్నా ‘తన దారి తాను’ చూసుకోవాల్సిందేనా.? అన్నది తేలాల్సి వుంది. కాగా, కన్నా లక్ష్మినారాయణతో పోల్చితే, సోము వీర్రాజుతోనే వైఎస్సార్ కాంగ్రెస్ పార్టీకి రాజకీయంగా ‘ముప్పు’ ఎక్కువన్న వాదనలూ లేకపోలేదు. మరోపక్క సోము వీర్రాజుకి, జనసేన పార్టీ అధినేత పవన్ కళ్యాణ్తో ప్రత్యేకమైన అనుబంధం వుంది. ఏదిఏమైనా, రాష్ట్ర రాజకీయాల్లో ఇదొక కీలకమైన పరిణామంగా రాజకీయ విశ్లేషకులు అభిప్రాయపడుతున్నారు.
442924 469645very good put up, i definitely love this internet internet site, keep on it 200260
588575 479010Hello. fantastic job. I did not expect this. This really is a great story. Thanks! You produced certain fine points there. I did a search on the topic matter and found the majority of folks will have exactly the same opinion with your blog. 554197