ఈ మధ్య సినిమాల విషయంలో లీకేజీలు నానా రచ్చ చేస్తున్న విషయం తెలిసిందే. ఎన్నో కోట్లు ఖర్చు పెట్టి తీస్తున్న సినిమాల విషయంలో షూటింగ్ దశలోనో, ఎడిటింగ్ దశలోనో సన్నివేశాలు, ఫొటోస్ లీక్ అయ్యి పెద్ద దుమారాన్ని రేపుతూ, మేకర్స్ కు పెద్ద తలనొప్పి తెచ్చిపెడుతున్నాయి. ఈ మధ్య ప్రతి ఒక్కరి చేతిలో స్మార్ట్ ఫోన్ ఉండడమే దీనికి కారణం. స్మార్ట్ ఫోన్ తో రహస్యంగా అక్కడి సన్నివేశాలను ఫోటోలు, వీడియోలు తీసి సోషల్ మీడియాలో పోస్ట్ చేస్తూ నానా రచ్చ చేస్తున్నారు. ఈ విషయంలో చాలా సినిమాలు దెబ్బ తిన్నాయి. అందుకే ఇప్పుడు షూటింగ్ లొకేషన్స్ లో ఫోన్లకు ఎంట్రీ లేదని ప్రతి యూనిట్ బోర్డు పెట్టేస్తుంది. అయినా మనలోని ఉత్సహం ఆగుతుందా చెప్పండి.
తాజాగా ప్రభాస్ హీరోగా సుజీత్ దర్శకత్వంలో తెరకెక్కుతున్న సాహో సినిమాకు లీకుల బెడద తప్పడంలేదు. ఇప్పటికే పలుమార్లు కొన్ని ముఖ్యమైన సన్నివేశాలకు సంబందించిన ఫోటోలు, వీడియోస్ లీక్ అయిన విషయం తెలిసిందే. తాజాగా మరోసారి ఈ లీకుల చట్రంలో ఇరుక్కుంది సాహో సినిమా. తాజాగా ఈ సినిమాకు సంబందించిన ఓ యాక్షన్ సన్నివేశాలను ఎవరో తన కెమెరాలో బందించి దాన్నీ సోషల్ మీడియాలో వదిలారు. ప్రభాస్ బైక్ ఛేజ్ కు సంబందించిన సన్నివేశం అది. ఇంకేముంది. ప్రభాస్ సాహో సినిమా సీన్స్ లీకయ్యాయని పెద్ద దుమారమే రేగింది. ఈ సినిమా లీకుల విషయంలో ఇప్పటికే యూనిట్ గట్టి ఏర్పాట్లు చేసారు, కానీ లాభం లేకుండా పోయింది.
ప్రభాస్ నటిస్తున్న సాహో సినిమా ఏకంగా 250 కోట్ల భారీ బడ్జెట్ తో తెరకెక్కిస్తున్నారు. దాదాపు ఏడాది కాలంగా ఈ సినిమాకోసం డేట్స్ కేటాయించాడు ప్రభాస్. ప్రభాస్ సరసన బాలీవుడ్ భామ శ్రద్ధ కపూర్ హీరోయిన్ గా నటిస్తున్న ఈ సినిమాను హాలీవుడ్ తెరకెక్కిస్తున్నారు. మరి సాహో సినిమా విషయంలో ఎన్ని జాగ్రత్తలు తీసుకున్నా కూడా ఇలా లీకుల నుండి విముక్తి లభించడం లేదు. ఇప్పటి వరకైతే పరవలేదుగాని .. సినిమా విడుదలకు ముందే సగం సినిమా లీక్ అయిందంటే .. పరిస్థితి ఎలా ఉంటుందో చెప్పడం కష్టం!! స్టార్ హీరోల సినిమాల విషయంలో ఇలాంటి లీకులు ఎక్కువగా జరుగుతున్నాయి. మరి వాటికి అడ్డు అదుపు ఎలా పడుతుందో చూడాలి.
485658 937849Gnarly write-up mate, maintain the very good work, just shared this with ma friendz 625565