సినీ నటుడు, జనసేన పార్టీ అధినేత పవన్కళ్యాణ్, రాజకీయాల నుంచి కొంత విరామం కోరుకుంటున్నారా? ఈ ప్రశ్నకి ఔననే సమాధానం వినిపిస్తోంది సినీ, రాజకీయ వర్గాల్లో. జనసేన అంతర్గత విశ్లేషణల్లోనే ఆ పార్టీ గట్టిగా 40 స్థానాల్లో కూడా పోటీ ఇవ్వలేకపోయిందంటూ సోషల్ మీడియా వేదికగా పలు ఊహాగానాలు చక్కర్లు కొడుతున్న దరిమిలా, వాస్తవ ఫలితాలు ఎలా వుంటాయో ఊహించడం పెద్ద కష్టమేమీ కాదు. అధికారమే లక్ష్యం కాదంటూ ఎన్నికల ప్రచారంలో జనసేన అధినేత స్పష్టం చేశారు. కానీ, మెరుగైన పాలన కోసం జనసేనకు ఓటేయాలని పవన్ పిలుపునిచ్చిన మాట వాస్తవం.
మే 23న ఎన్నికల ఫలితాలు వెల్లడవుతాయి. ప్రస్తుతం జనసేన అధినేత పవన్కళ్యాణ్, హైద్రాబాద్లో వున్నారు. పలువురు సినీ ప్రముఖులతో మంతనాలు కూడా జరుపుతున్నారట. ఆ మంతనాలు కూడా సినిమాల గురించేనని సమాచారమ్. మైత్రీ మూవీ మేకర్స్ బ్యానర్పై పవన్కళ్యాణ్ గతంలో ఓ సినిమా చేయాల్సి వుంది. అప్పట్లో అడ్వాన్స్ కూడా తీసుకున్నారు పవన్కళ్యాణ్. ఆ ప్రాజెక్ట్ ఇప్పుడు పట్టాలెక్కేలా వుందన్న వార్త వెలుగులోకి వచ్చింది. అదే నిజమైతే, దర్శకుడెవరన్నది మరో సస్పెన్స్. పవన్కళ్యాణ్ సీన్లోకి దిగితే, దర్శకుడు దొరక్కపోవడమంటూ వుండదు.
ఇంకో వైపు నిర్మాత రామ్ తాళ్ళూరి కూడా పవన్కళ్యాణ్తో సినిమా కోసం ఎదురుచూస్తున్నారు. ఆయన, ఇప్పటికే కొందరు దర్శకులతో పవన్ హీరోగా సినిమా విషయమై చర్చలు జరిపారు, కొన్ని కథల్ని కూడా ఆయన సమకూర్చుకున్నారట. అంటే, ఇక్కడికి రెండు సినిమాలు పవన్కళ్యాణ్ కోసం సిద్ధంగా వున్నట్టు లెక్క. మరో సినిమా కూడా లైన్లోనే వుంది. అదే త్రివిక్రమ్ శ్రీనివాస్ దర్శకత్వంలో పవన్కళ్యాణ్ హీరోగా సినిమా. ఇది కొంత రాజకీయ నేపథ్యంలో వుండబోతోందిట. ‘అజ్ఞాతవాసి’ సినిమా ఘనవిజయం సాధించి వుంటే, త్రివిక్రమ్ – పవన్ కళ్యాణ్ కాంబినేషన్లో ఇంకో సినిమా పట్టాలెక్కి వుండేదే.
పై మూడు ప్రాజెక్టులు కాకుండా ఇంకో రెండు ప్రాజెక్టులకు సంబంధించి కూడా రకరకాల ఊహాగానాలున్నాయి. ఇవి ఉత్త ఊహాగానాలు మాత్రమే కాదు, పవన్కళ్యాణ్ తనంతట తానుగా కొన్ని కమిట్మెంట్స్ ఇచ్చినవని సినీ వర్గాల్లో ప్రచారం జరుగుతోంది. ఆ కమిట్మెంట్స్ నేపథ్యంలో అడ్వాన్సులు కూడా తీసుకున్నారనీ, వాటినే ఎన్నికల అఫిడవిట్లో అప్పులుగా పవన్ చూపించారనీ రకరకాల అభిప్రాయాలు వ్యక్తమవుతున్నాయి సినీ వర్గాల్లో. పవన్ కళ్యాణ్తో సినిమా నిర్మించే అవకాశమొస్తే, దాన్ని ఎవరూ వదులుకునేందుకు సిద్ధపడరు. ఆయన సినిమాలకు జరిగే ప్రీ రిలీజ్ బిజినెస్ అలా వుంటుంది.
రాజకీయాల్లో తాను అనుకున్నది సాధించలేక, తిరిగి సినిమాల్లోకి వచ్చిన చిరంజీవి ‘ఖైదీ నెంబర్ 150’ సినిమాతో సాధించిన సంచలన విజయాన్ని ఉదహరిస్తూ, పవన్కళ్యాణ్ కూడా అదే బాటలో పయనిస్తాడని కొందరు అంచనా వేస్తున్నారు. అయితే తాను వేరు, తన తమ్ముడు వేరని ఇప్పటికే చిరంజీవి స్పష్టతనిచ్చారు. సినిమాలు – రాజకీయాల్ని పవన్ బ్యాలన్స్ చేయగలడన్న గట్టి నమ్మకాన్ని చిరంజీవి గతంలో వ్యక్తం చేశారు. అది వాస్తవమేనా? పవన్ కళ్యాణ్ అటు రాజకీయాల్ని, ఇటు సినిమాల్ని కూడా సమర్థవంతంగా డీల్ చేయగలడా? అంటే, దానికి కాలమే సమాధానం చెప్పాల్సి వుంటుంది.
642344 630565Thanks for blogging and i enjoy the weblog posting so no public comments.,,,,,,,,,,, 468468
659534 227082For anyone one of the lucky peoples, referring purchase certain products, and in addition you charm all with the envy of all of the the several any other people around you that tend to have effort as such make a difference. motor movers 383215
382516 179128Respect to author , some fantastic details . 88828