యంగ్ రెబల్ స్టార్ ప్రభాస్( Prabhas)అభిమానులు ఎప్పుడెప్పుడా అని ఎదురుచూస్తున్న ‘సలార్( Salaar)’ ట్రైలర్ వచ్చేసింది. ప్రశాంత్ నీల్( Prashanth Neel)దర్శకత్వంలో ప్రభాస్ హీరోగా నటిస్తున్న ఈ సినిమా ‘పార్ట్ 1 సీజ్ ఫైర్’ పేరుతో తెరకెక్కుతోంది. ఈనెల 22న ఈ సినిమా విడుదలను పురస్కరించుకుని మూవీ టీం ఈరోజు ట్రైలర్ ని విడుదల చేసింది. 3 నిమిషాల 47 సెకండ్ల నిడివితో ఉన్న ఈ ట్రైలర్ అదిరిపోయింది. తెలుగు సహా ఐదు భాషల్లో విడుదలై ఆకట్టుకుంటోంది. ప్రశాంత్ నీల్ మార్క్ హీరో ఎలివేషన్స్, బ్యాక్ గ్రౌండ్ మ్యూజిక్, యాక్షన్ సీక్వెన్స్ ఇందులోనూ కనిపించాయి. విలన్ గా పృథ్వీరాజ్ సుకుమారన్ అదరగొట్టారు.
‘నీకోసం ఎర అయినా అవుతా, సొర అయినా అవుతా, నీ ఒక్కడి కోసం’ అంటూ ప్రభాస్ తన స్నేహితుని ఉద్దేశించి చెప్పే డైలాగ్ అదిరిపోయింది. బద్ద శత్రువులుగా మారే ఇద్దరు ప్రాణ స్నేహితులు కథగా ఈ సినిమా రెండు భాగాలుగా తెరకెక్కుతోంది. శృతిహాసన్( Shruti Hassan) హీరోయిన్. జగపతిబాబు, ఈశ్వరి రావు ముఖ్య పాత్రలు పోషిస్తున్నారు.