రేణూ దేశాయ్ తప్పు తెలుసుకుని నాలుక్కరుచుకుంది

పవర్ స్టార్ పవన్ కల్యాణ్ నుంచి విడిపోయినప్పటికీ, రేణూ దేశాయ్ ని పవర్ స్టార్ ఫ్యాన్స్ వదులుకోలేదు. కొంతమంది ఆమెను వదినమ్మగానే చూసుకుంటుండగా.. మరికొంతమంది మాత్రం రేణును విపరీతంగా ట్రోల్ చేస్తున్నారు. పవన్ మరో పెళ్లి చేసుకున్నా, ఆమె మాత్రం మరొకిరిని పెళ్లాడటానికి వీల్లేదని గట్టిగానే వార్నింగులు కూడా ఇచ్చారు. దీంతో ఆమె తనకు కాబోయే వ్యక్తి వివరాలు చెప్పడానికి కూడా భయపడ్డారు.

మా నిశ్చితార్థం అయిపోయిందంటూ అప్పుడెప్పుడో వెల్లడించిన రేణూ.. ఆ తర్వాత దానికి సంబంధించిన ఏ విషయాన్ని బయటకు చెప్పలేదు. పెళ్లి అయిందో లేదో కూడా తెలియనీయకుండా జాగ్రత్తపడుతున్నారు. ఈ నేపథ్యంలో ఇటీవల తన కుమార్తె ఆద్యను కుమారుడు అకీరా ఎత్తుకుని ముద్దాడుతున్నఫొటోను ఇన్ స్టా గ్రామ్ లో పోస్టు చేశారు. దీనికి పవన్ అభిమాని ఒకరు ‘ఎంతైనా పవన్ రక్తం కదా’ అని కామెంట్ చేశారు. దీనిని అంతటితో వదిలేస్తే సరిపోయేదానికి రేణూ తీవ్రంగా స్పందించారు. ‘పవన్ రక్తం ఏమిటి? టెక్నికల్ గా చూస్తే వారిద్దరిలో ప్రవహించేది నా రక్తం. నీకు సైన్స్ తెలిస్తే దీనికి అర్థం తెలుస్తుంది’ అంటూ స్పందించారు.

దీంతో పవన్ ఫ్యాన్స్ మరింత రెచ్చిపోయారు. వారిద్దరూ పవన్ బిడ్డలు కాకపోతే ఎవరి బిడ్డలు అంటూ ప్రశ్నలు గుప్పించారు. దీంతో రేణూకి తన తప్పు తెలిసొచ్చింది. తన వ్యాఖ్యలు తప్పుడు అర్థానికి దారి తీసేలా ఉన్నాయని భావించి.. వెంటనే ఆద్య, పవన్ కలిసి ఉన్న ఫొటోను పోస్టు చేశారు. ‘ఆద్య కొన్నిసార్లు నాలా అనిపిస్తుంది. చాలాసార్లు నానమ్మ, నాన్నకు ప్రతిరూపంలా కనిపిస్తుంది’ అని పేర్కొన్నారు. ఇలా ఈ వివాదానికి ముగింపు పలకడానికి ప్రయత్నించారు.

వాస్తవానికి పవన్, రేణూ విడిపోయి ఎవరికి వారు జీవిస్తున్నారు. తండ్రిగా పిల్లల బాధ్యత పవన్ పై ఎలాగూ ఉంటుంది. ఈ నేపథ్యంలో వారిద్దరినీ ఇలా సోషల్ మీడియాలోకి తీసుకొచ్చి ఇబ్బందులు ఎదుర్కోవడం ఎందుకని రేణూకి పలువురు సూచిస్తున్నారు. ఇలాంటి అంశాల్లో ఇకనైనా జాగ్రత్తగా ఉండాలని హితవు పలుకుతున్నారు.