ఆనందయ్య ఔషదంపై రేణు దేశాయ్‌ స్పందన

కరోనా కేసులు విపరీతంగా పెరుగుతున్న ఈ సమయంలో నెల్లూరు జిల్లా కృష్ణ పట్నంకు చెందిన ఆనందయ్య మందు కనిపెట్టి పంపిణీ చేస్తున్నాడు. ఆయన మందు పనితీరు గురించి కొందరు అనుమానాలు వ్యక్తం చేస్తున్నా కొందరు మాత్రం ఆ ఔషదం అద్బుతం అంటూ వ్యాఖ్యలు చేస్తున్నారు. మంత్రులు, ఎమ్మెల్యేలు సెలబ్రెటీలు ఆ మందును వాడేందుకు ఆసక్తి చూపిస్తున్నారు. దాంతో సెలబ్రెటీలు ఆనందయ్యకు మద్దతుగా నిలుస్తున్నారు. సెలబ్రెటీల్లో ఇప్పటికే జగపతి బాబు స్పందిస్తూ ఆనందయ్య మందును పంపిణీ చేసేందుకు ప్రభుత్వం అనుమతులు ఇవ్వాలన్నాడు.

ఆనందయ్య మందు విషయంలో నెలకొన్న వివాదాల నేపథ్యంలో రేణు దేశాయ్ కూడా స్పందించారు. ఆమె సోషల్ మీడియాలో ఈ విషయమై మాట్లాడుతూ.. నేను ఆయుర్వేదంను నమ్ముతున్నాను. అందుకే ఆనందయ్య గారి ఔషదంను కూడా నమ్మాలని ఉంది. ఎందుకంటే ఆయన ఉచితంగానే మందు ఇస్తున్నారు. చాలా మంది మందు తీసుకుంటే నయం అయ్యిందని అంటున్నారు. అందుకే నేను కూడా ఆనందయ్య గారి ఔషదంను నమ్ముతున్నట్లుగా ఆమె పేర్కొన్నారు. ఇంకా చాలా మంది ఆనందయ్య మందుకు స్పందిస్తూ ఉన్నారు.